Frjáls verslun - 01.03.2008, Síða 23

F R J Á L S V E R S L U N • 3 . T B L . 2 0 0 8 23
Forsíðugrein
1. Er krónan svo veikur gjaldmiðill að hún sé orsök þess að Ísland
er orðið fórnarlamb alþjóðlegs fjármálasamsæris og að nokkrir
erlendir vogunarsjóðir geti haft örlög íslenska bankakerfisins í
hendi sér?
Hafa ekki fréttir undanfarið gefið það til kynna? Krónan er okkar
versti óvinur í dag.
2. Ef Ísland er orðið fórnarlamb fjármálasamsæris, ýtir það þá
ekki undir þá kröfu að þjóðin skipti um gjaldmiðil hið fyrsta
og gangi jafnvel í Evrópusambandið?
Ég hef sagt það áður, að við eigum að óska eftir viðræðum um
aðild að Evrópusambandinu strax, og taka upp evru. Ef íslensk
stjórnvöld myndu lýsa því yfir að slíkt stæði til, tel ég að það
myndi lægja öldurnar strax. Gæfi Seðlabankanum tækifæri að
lækka vexti hratt til aðlögunar því vaxtaumhverfi sem mundi
fylgja evru.

3. Hversu stór þáttur er krónan í því vantrausti sem
erlendir lánveitendur hafa á landinu um þessar myndir?
Krónan er algjörlega miðjan í þessu vantrausti.
4. Hversu mikið er til í þeirri fullyrðingu að krónan komi
í veg fyrir að erlendir bankar vilji sameinast íslenskum
bönkum – og að hún sé í raun orðinn hemill og viðbót-
aráhætta sem erlendir bankar séu ekki tilbúnir til að taka?
Krónan kemur í veg fyrir fjárfestingar erlendra aðila á Íslandi.
Við sjáum það t.d. á íslenska hlutabréfamarkaðnum, þar sjást
varla erlendir fjárfestar. Ég hef kynnt sum af þeim fyrirtækjum sem
við eigum aðild að erlendis, menn eru áhugasamir um að fjárfesta
en gjaldmiðillinn er eitthvað sem menn geta ekki skilið og vilja ekki
taka áhættu á.
5. Hafa erlendar lánastofnanir tapað svo mikið sem einni krónu á
viðskiptum við íslenskar lánastofnanir síðustu tuttugu árin?
Ég þekki það ekki. Ég veit hins vegar ekki til þess.
JÓN ÁSGEIR JÓHANNESSON
fjárfestir og stjórnarformaður Baugs Group
Krónan okkar
versti óvinur