Frjáls verslun - 01.03.2008, Qupperneq 26

26 F R J Á L S V E R S L U N • 3 . T B L . 2 0 0 8
Forsíðugrein
1. Er krónan svo veikur gjaldmiðill að hún sé orsök þess að Ísland
er orðið fórnarlamb alþjóðlegs fjármálasamsæris og að nokkrir
erlendir vogunarsjóðir geti haft örlög íslenska bankakerfisins í
hendi sér?
Smæð íslenska myntkerfisins gerir krónuna augljóslega berskjaldaða
fyrir spákaupmennsku tiltölulega fárra aðila. Krónan gegnir þó ekki
nema óbeinu hlutverki í þeirri markaðsmisnotkun sem vogunarsjóðir
hafa staðið fyrir gagnvart íslenskum bönkum og fjármálafyrirtækjum
sem hefur snúist um að breiða út neikvæðan orðróm og spila í kjölfarið
á lækkandi verð skuldabréfa og hlutabréfa. Það er hins vegar fjærri því
að þessir sjóðir hafi örlög íslenska bankakerfisins í hendi sér.
2. Ef Ísland er orðið fórnarlamb fjármálasamsæris, ýtir það þá
ekki undir þá kröfu að þjóðin skipti um gjaldmiðil hið fyrsta og
gangi jafnvel í Evrópusambandið?
Umræða um framtíð krónunnar er eðlileg, enda ljóst að við munum
ekki halda uppi sjálfstæðum gjaldmiðli á Íslandi um alla framtíð.
Umræðan um að taka upp alþjóðlega mynt á í raun ekki að snúast
um hvort það verði gert, heldur einungis hvenær og hvernig. Því fyrr
sem það liggur fyrir, því betra.
3. Hversu stór þáttur er krónan í því vantrausti sem erlendir
lánveitendur hafa á landinu um þessar myndir?
Skortur á lánsfé er alþjóðlegt vandamál og skipan gjaldeyrismála
er ekki meginatriði í því sambandi. Áhrif krónunnar eru fyrst og
fremst óbein í gegnum þau erfiðu rekstrarskilyrði og kostnað sem
hún veldur íslensku atvinnulífi. Um leið hefur ótti við áhættu
aukist og alþjóðlegir fjárfestar eru hræddir við að binda fjármagn
þar sem þeir telja vera óvissu eða ótraust ytri skilyrði.
4. Hversu mikið er til í þeirri fullyrðingu að krónan komi í veg
fyrir að erlendir bankar vilji sameinast íslenskum bönkum
– og að hún sé í raun orðinn hemill og viðbótaráhætta sem
erlendir bankar eru ekki tilbúnir til að taka?
Krónan er áhættu- og kostnaðarþáttur sem flestir þeir sem tengjast
íslensku viðskiptalífi þurfa að taka með í sínum útreikningum, bankar
sem aðrir.

5. Hafa erlendar lánastofnanir tapað svo mikið sem einni krónu á
viðskiptum við íslenskar lánastofnanir síðustu tuttugu árin?
LÝÐUR GUÐMUNDSSON
fjárfestir og stjórnarformaður Exista
Ekki sjálfstæður gjaldmiðill
á Íslandi um alla framtíð