Frjáls verslun - 01.03.2008, Blaðsíða 44

44 F R J Á L S V E R S L U N • 3 . T B L . 2 0 0 8
s t j ó r n u n
texti: helga kristín einarsdóttir • Myndir: geir ólafsson
Frjáls verslun leitaði til fjögurra forstjóra og spurði hver munurinn
væri á því að stýra fyrirtæki í niðursveiflu og uppsveiflu.
Að stjórna í niðursveiflu
„Áhrifa niðursveiflunnar gætir mjög berlega
á mannauðsmarkaðnum, bæði í fjölda og
gæðum umsókna. Ástandið í uppsveifl-
unni, þar sem markaðurinn var orðinn yfir-
spenntur með undir 1% atvinnuleysi, var
líka orðið í meira lagi skrýtið. Það er allt
annað að stjórna fyrirtæki þegar mannauðs-
markaðurinn er í jafnvægi, en til þess þarf
atvinnuleysi að fara í 3% eða meira.
Ein afleiðing uppsveiflu almennt er sú
að stjórnendur eru ekki jafn vel á verði
gagnvart kostnaði í rekstri. Niðursveiflan
gefur mönnum tækifæri til og kallar í raun
á að menn endurskoði kostnað og spyrji
spurninga, eins og hvort hinir eða þessir
útgjaldaliðir séu nauðsynlegir til að sinna
rekstrinum eða þjónustunni sem verið er
að veita.
Þessi niðursveifla, sem við erum að horf-
ast í augu við á Íslandi núna, er að mörgu
leyti mjög sérstök og getur haft mjög alvar-
legar afleiðingar í för með sér, sé tekið
mið af því umhverfi sem fyrirtækin búa við
í dag. Staða fyrirtækja, sem þurfa að leita
eftir fé til að fjármagna sinn rekstur, er
mjög alvarleg. Í fyrsta lagi er aðgangur að
fjármagni mjög takmarkaður og í öðru lagi
er það litla fjármagn sem er í boði á þannig
vöxtum, að enginn venjulegur rekstur getur
staðið undir því til lengdar. Fyrir stjórn-
endur sem eru að stýra fyrirtækjum við
þessar aðstæður er það forgangsverkefni
númer eitt, tvö og þrjú að fylgjast með
sjóðstreymi frá rekstri og vera með góða
lausafjárstýringu. Þetta getur þýtt í ein-
hverjum tilfellum að menn þurfi að gera
ráðstafanir til að lifa af til skemmri tíma og
að setja langtíma- og stefnumótandi mark-
mið á bið.
Umhverfið hefur breyst alveg ótrúlega
hratt, því það er ekki svo langt síðan
að bankarnir kepptust við að bjóða fyrir-
tækjum rekstrarfé, en gamla máltækið
„Cash is King“ á aldrei betur við en nú,“
segir Hreggviður Jónsson.
Hreggviður Jónsson, forstjóri Vistor:
Forgangsverkefni númer eitt,
tvö og þrjú að fylgjast með
sjóðstreymi og hafa góða
lausafjárstýringu
Hreggviður Jónsson, forstjóri Vistor.