Frjáls verslun - 01.03.2008, Page 46

46 F R J Á L S V E R S L U N • 3 . T B L . 2 0 0 8
s t j ó r n u n
„Í mínum huga er enginn grundvallarmunur
á því að stjórna fyrirtæki í efnahags-
uppsveiflu eða -niðursveiflu. Á báðum
tímabilum skiptir höfuðmáli að halda kostn-
aði í skefjum og miða reksturinn við mark-
aðs- og efnahagsaðstæður eins og þær eru
hverju sinni.
Í öllum fyrirtækjarekstri gildir sama
gullna reglan: að vera ávallt á tánum,
fylgjast grannt með því sem er að gerast
í fyrirtækinu og nánasta umhverfi og hafa
sveigjanleika til að taka skjótar ákvarðanir
í samræmi við þróun mála hverju sinni.
Þegar efnahagsuppsveifla ríkir skiptir
miklu máli að reksturinn sé í lagi, þannig
að breyting á efnahagsástandi hafi tak-
mörkuð áhrif. Fyrirtæki þurfa að vera tilbúin
að bregðast við ólíkum aðstæðum hverju
sinni og verða jafnframt að vera í stakk
búin til að takast á við mögur tímabil þegar
þau hefja innreið sína.
Meginforsendur rekstursins eiga þó
aldrei að breytast, sama hvernig árar.
Okkar rekstur grundvallast á skynsemi
og ekki síður liðsheildinni - sterkri keðju
starfsmanna sem að mínu mati er mikil-
vægasta gangverk hvers fyrirtækis.
Fyrir okkur hjá Iceland Express hefur
niðursveifla í efnahagslífinu hér veitt okkur
ný tækifæri til sóknar. Fyrirtæki á mark-
aði hafa leitast við að skera niður rekstr-
arkostnað og skipta þess vegna frekar við
okkur en aðra aðila. Við erum því bjartsýn
á að næstu misseri geti reynst okkur góð
þegar upp verður staðið.“
Matthías Imsland, forstjóri Iceland Express.
Matthías Imsland, forstjóri Iceland Express:
Skiptir höfuðmáli að halda kostnaði
í skefjum og miða reksturinn við
markaðsaðstæður bæði í efnahags-
uppsveiflu og -niðursveiflu