Frjáls verslun - 01.03.2008, Síða 52

52 F R J Á L S V E R S L U N • 3 . T B L . 2 0 0 8
e n g l a n e t
arformennsku í Seed Forum Iceland. Eyþór
hefur unnið talsvert með dönskum við-
skiptaenglum í starfi sínu sem forstöðumaður
nýsköpunar- og frumkvöðlakennslu í MBA-
námi Copenhagen Business School. Það var
að frumkvæði Eyþórs að David Grahame,
framkvæmdastjóra LINC, var boðið að halda
erindi á Seed Forum Iceland. Jafnframt því
hefur Klak hafið samstarf við englasamtök
í New York. Nú er svo
komið að Iceland -Angels
hefur verið sett á lagg-
irnar þar sem fyrirtæki
sem eru í leit að fjár-
magni hafa þegar skráð
sig og valdir íslenskir við-
skiptaenglar hafa verið
að skoða þau verkefni.
Nánari upplýsingar er að
finna á heimasíðu Klaks
(www.klak.is).“
Af hverju hefur Klak
– Nýsköpunarmiðstöð
atvinnulífsins tekið
englanetið að sér?
„Það er gríðarlega mikil-
vægt ef að það á að vera
einhver kraftur og skynsemi í englaneti að
reksturinn á því sé í góðum höndum, hjá
einhverjum aðila sem getur bæði tryggt fram-
boð af góðum fyrirtækjum sem þurfa fjár-
magn og tryggt að viðskiptaenglarnir séu
fólk með fjármagn, reynslu og þekkingu.
Svona englanet deyja fljótlega ef framboðið
af góðum fyrirtækjum er lítið en þau geta
einnig tapað áttum ef of mikið af verk-
efnum er veitt inn í netið sem eru í raun
ekki fýsileg fyrir nokkurn mann að fjárfesta
í. Við í Klakinu vinnum með og fyrir talsvert
að sprotafyrirtækjum og það á einungis eftir
að margfaldast á komandi misserum þannig
að við getum tryggt flæði af áhugverðum
fyrirtækjum í leit að fjármagni. Við erum
einnig með mikla reynslu í að vinna og meta
viðskiptaáætlanir þannig að við getum komið
í veg fyrir að póstur viðskiptaengla fyllist af
fjárfestingartækifærum sem henta þeim ekki.
Það verður að búa til eitthvert jafnvægi þar
sem nægilegt en ekki yfirgengilega mikið
flæði tækifæra er í netinu“.
En eru nægilega mörg áhugaverð fyrir­
tæki að leita sér að fjármagni á Íslandi?
„Það fara um tíu íslensk fyrirtæki á ári
í gegnum Seed Forum Iceland og annað
eins af íslenskum fyr-
irtækjum fer á Seed
Forum erlendis. Það
er talsverð gróska í
viðskiptalífinu, þó að
hún gæti náttúrulega
verið miklu meiri,
og flest fyrirtæki eru
að leita stuðnings til
þess að vaxa frekar en
deyja. Lánsfjármark-
aðurinn er orðinn tals-
vert þyngri og dýrari
en hann hefur verið og
þess vegna þurfa frum-
kvöðlar í auknum mæli
að leita eftir hlutafé
frekar en lánsfé. Ég er
reyndar þeirrar skoð-
unar að við Íslendingar gætum búið til miklu
meira af áhugaverðum fyrirtækjum vegna
þess að ýmislegt í menningu þjóðarinnar, þ.e.
þrautseigja, kjarkur, hugmyndaflug og hversu
úrræðagóðir Íslendingar geta verið, er það
sem einkenna þarf góða frumkvöðla. Einnig
held ég að smæð Íslands þurfi ekki að vera
ókostur þar sem hægt er að prófa viðskipta-
hugmyndir hér á landi og eftir það verður að
leggja land undir fót. Við höfum sýnt það á
undanförnum árum að við eigum fullt erindi
á hinn alþjóðlega markað. Hingað til hefur
útrásin snúist um uppkaup, núna er komið
að nýsköpun.“
En hvað með engla, eru einhverjir fjár­
festar með vængi á Íslandi?
„Já, það er talsvert um einstaklinga sem hafa
sýnt það að þeir eru góðir til þess að meta
fjárfestingartækifæri og hafa aðgang að tals-
verðu fjármagni þrátt fyrir að aðstæðurnar
hafi breyst mikið á stuttum tíma. Ég held
að íslenskir fjárfestar séu líka mjög áhuga-
samir um að taka þátt í þeim rekstri sem
þeir eru að fjárfesta í og hafa gaman að kraft-
inum sem leynist í sprotafyrirtækjum. Ég
held einnig að Íslendingar hafi lært ótrúlega
mikið á skömmum tíma hvernig á að sjá
viðskiptatækifæri í stærra samhengi en sem
nemur landgrunni Íslands. Fjárfestar hafa
lært að hugsa stórt, þó að sumir hverjir hafi
hugsað allt of stórt, og það er oft mikilvægt
þegar búa á til áhugaverð fyrirtæki. Menn
eru ekki lengur að hugsa um sjoppurekstur
heldur einstæð fyrirtæki sem byggjast á ein-
hverju nýstárlegu.“
Hversu miklu máli skiptir þekking við­
skiptaengla?
„Ég held að akkurinn af viðskiptaenglum
sé ekki fyrst og fremst fjármagnið heldur
reynslan og þekkingin sem þeir geta veitt.
Frumkvöðlar eru því miður allt of þröngsýnir
hvað varðar virði utanaðkomandi þekkingar
og vilja frekar leita eftir vondum ókeypis
ráðum en að leita sér ráða sem geta skipt
sköpum fyrir reksturinn. Það er grundvall-
aratriði fyrir vöxt nýrra fyrirtækja á Íslandi að
frumkvöðlar fari að meta viðskiptaþekkingu
að verðleikum. Reyndar er það svo að við-
skiptaenglar þurfa einnig að læra ýmislegt og
það er ákveðin hætta fólgin í því að trúa því
að þó að menn hafi einu sinni náð góðum
árangri að þeir muni gera það ætið aftur.
Stundum þarf að hjálpa englum að koma
niður á jörðina. Við í Klakinu höfum mikinn
áhuga að reyna hjálpa bæði frumkvöðlum og
viðskiptaenglum til að fá aukna þekkingu
svo að þeir eigi meiri möguleika á að ná
árangri og séu betur til þess fallnir að vinna
saman.“
En hvað með engla,
eru einhverjir fjárfestar
með vængi á Íslandi?
Já, það er talsvert um
einstaklinga sem hafa
sýnt það að þeir eru
góðir til þess að meta
fjárfestingartækifæri og
hafa aðgang að talsverðu
fjármagni þrátt fyrir að
aðstæðurnar hafi breyst
mikið á stuttum tíma.