Frjáls verslun - 01.03.2008, Qupperneq 63

F R J Á L S V E R S L U N • 3 . T B L . 2 0 0 8 63
Það ganga sögur í fyrirtækinu um að nú sé forstjórinn búinn
að setja sparkskóinn á betri fótinn. Hann eða hún ælar að
sparka einhverjum. En hverjum? Hvernig getur þú vitað hvort
það ert einmitt þú sem nú færð fótinn í afturendann? Loga
ef til vill öll viðvörunarljós í kringum þig en þú sérð ekkert?
Allir sjá þetta - aðrir en þú. Og svo færð þú fótinn í rassinn. Á
dauða mínum átti ég von en ekki þessu!
Danski viðskiptamiðillinn erhervsbladet.dk hefur látið
taka sama lista um tíu fyrirboða þess að fólk verði rekið. Ef
öll þessi tíu atriði eiga við um þig þá er betra að taka pok-
ann sinn strax og bíða ekki eftir sparkinu. Þetta er spurning
um að skilja fyrr en skellur í tönnum.
• Þú hefur klúðrað verkefni sem aðrir hafa leyst með
glans. Þú hefur ef til vill fengið tiltal vegna mistakanna.
• Sögurnar í fyrirtækinu koma seinast til þín. Þú ert ekki
lengur með í slúðrinu.
• Samverkamenn þínir forðast þig. Sjái þeir þig nálgast
hverfa þeir eins og dögg fyrir sólu.
• Þú hefur ekki fylgt öðrum eftir í launum og jafnvel orðið
að sætta þig við kjaraskerðingu.
• Fyrirtækið hefur verið sameinað öðru, það er verið að
endurskipuleggja og hagræða. Margir óttast um stöður
sínar.
• Þú færð óviðráðanlegt verkefni til úrlausnar. Öðrum
hefur áður mistekist við sama verk.
• Vinnufélagar þínir fá ný og spennandi verkefni en
ábyrgð á verkum er tekin frá þér.
• Aðrir eru sendir í viðskiptaferðir en þú situr alltaf
heima.
• Þú færð sjaldan orðið á fundum og ef þú talar virðist
enginn hlusta.
• Skrifstofan þín er flutt niður í kjallara og þér finnst sem
þú hafi misst allt samband við vinnufélagana.
texti: gísli kristjánsson
Tíu fyrirboðar
þess að fólk verði rekið
StJóRNUNARMOLI