Frjáls verslun - 01.03.2008, Side 66

66 F R J Á L S V E R S L U N • 3 . T B L . 2 0 0 8
Íslendinga og útlendinga. Núna eru 13
kvikmyndir í boði en úrvalið mun hins vegar
aukast jafnt og þétt þar sem myndirnar detta
ekki út af kerfinu heldur safnast upp í pakka
sem hægt verður að ganga að.
Aðgangur að kvikmyndunum er ekki
ókeypis fyrir farþega á almennum far-
gjöldum, þeir greiða 10 dollara, 750 krónur,
óháð fjölda mynda og leiga á fjarstýringu
fyrir tölvuleiki kostar 1.900 krónur. Að vísu
geta farþegar komið með slíka fjarstýringu
með sér að heiman.
Til stendur að bæta fréttaskýringum inn
í kerfið og áfram mætti telja. Þess utan hafa
farþegar aðgang að lesefni, eins og tímaritinu
Atlantica sem allir farþegar Icelandair kann-
ast auðvitað við.
Heima í stofu
Hugmyndafræðin á bak við nýja afþreying-
arkerfið er að farþegum líði eins og þeir sitji
heima í stofu þar sem hver og einn þeirra
hefur sjónvarpstæki fyrir framan sig og ræður
dagskránni. Kvikmyndir, fréttaefni og tölvu-
leikir. Það vantar bara poppkornið.
Upphaf þessarar herferðar má rekja til
þess að kominn var tími á viðhald sætanna
um borð í flugflota félagsins. Það þurfti því
að taka ákveðið stökk. Þá var það að menn
settust niður og sögðu sem svo; hvernig
sæti viljum við? Niðurstaðan voru sæti með
snerti skjám – líkt og ýmis önnur félög í
heiminum hafa tekið upp. En skjár er tæki,
afþreyingarefnið sem boðið er upp á skiptir
hins vegar meiru máli fyrir farþegana.
Þegar ákveðið var að láta til skarar skríða
var hafist handa við að velta öllum steinum,
eins og það er stundum orðað, og kalla til
fjölda starfsmanna félagsins til skrafs og
ráðagerða um það hvað væri best að gera
og hvað væri hægt að gera samhliða þessum
breytingum. Fjöldi starfsmanna lagði hug-
myndir í púkkið og var með í herferðinni
frá upphafi.
Nánast lítil sjónvarpsstöð
Herferðin fór smám
saman að taka á sig
mynd. Aukið rými í
sætum, nýtt afþrey-
ingarkerfi (nánast
lítil sjónvarpsstöð),
nýir búningar, ný
tónlist um borð, ný
nöfn á flugvélarnar
og breyttar áherslur í
veitingum. Skilaboðin
til farþeganna með
nýju herferðinni eiga að vera; fágun, góðir
starfsmenn, áreiðanleiki og öryggi. Þetta er
sálfræðin.
Nýju einkennisbúningarnir eru hannaðir
af Steinunni Sigurðardóttur fatahönnuði og
verða kynntir síðar á árinu. Hún hefur unnið
mjög náið með áhöfnum vélanna að þessum
breytingum.
Þetta með nýju tónlistina. Fæstir hafa
eflaust gert sér grein fyrir því að það væri ein-
hver „opinber tónlist“ um borð. Ekki ég að
minnsta kosti. En þetta er tónlistin sem fólk
heyrir þegar það gengur um borð í vélarnar,
raðar upp töskum og fatnaði í geymslunnar
fyrir ofan sætin, er að koma sér fyrir. Þetta
er róandi tónlist. Nokkrir þekktir tónlistar-
menn hafa samið nýja tónlist fyrir félagið;
m.a. Einar Örn Benediktsson.
Ný nöfn á vélarnar – íslensku eldfjöllin
Í þessari herferð Icelandair verður skipt um
nöfn á þotum félagsins og verða þær skírðar
eftir þekktum íslenskum eldfjöllum. Á nafna-
listanum eru t.d. Askja, Hekla, Skjaldbreiður
og Surtsey.
Nýju sætin eru úr leðri og ljós yfir-
litum en talsverðar
ímyndar- og mark-
aðspælingar liggja
að baki litavalsins
og yfirbragðsins á
sætunum. Hafliði
Jón Sigurðsson,
verkfræðingur og
f o r s t ö ð u m a ð u r
innkaupasviðs Ice-
landair, segir að
rýmið sé meira,
sætin séu þægilegri og auðveldara sé að þrífa
þau. Nýju sætin eru frá ítalska fyrirtækinu
Avio og eykst sætabil á almennu farrými við
breytinguna um 3 til 5 sentimetra. Afþrey-
ingarkerfið er hins vegar frá franska fyrirtæk-
inu Thales.
Halldór Harðarson, markaðsstjóri Ice-
landair, segir að ímynd Icelandair sé stórt,
alþjóðlegt og öflugt flugfélag. Gildin í ímynd
félagsins eiga að endurspegla ímynd Íslands á
alþjóðlegum markaði.
Á bak við herferðina liggur ennfremur
vinna við að þróa sölukerfi félagsins, innrit-
unarkerfi en sífellt fleiri farþegar kaupa mið-
ana á Netinu. Markaðsrannsóknir Icelandair
sýna ennfremur að yfir 37% farþega segjast
mjög tryggir félaginu.
s a g a n á b a k v i ð h e r f e r ð i n a
Halldór Harðarson,
markaðsstjóri Icelandair,
er sannfærður; þetta er
fjárfesting sem borgar sig
upp og tryggir félaginu fleiri
farþega til langs tíma.
Halldór Harðarson, markaðsstjóri Icelandair, og Guðjón Arngrímsson, upplýsingafulltrúi Icelandair, bregða sér í tölvuleik um borð.