Frjáls verslun - 01.03.2008, Síða 67

F R J Á L S V E R S L U N • 3 . T B L . 2 0 0 8 67
Tryggðin skiptir máli í herferðinni
Halldór Harðarson segir að þessi tryggð við
félagið skipti einmitt miklu máli í tengslum
við herferðina; breytingarnar snúist um að
félagið haldi tryggum farþegum og eignist
nýja. Flugferðir og ferðalög eru að aukast
stórlega sem lífsmáti fólks með aukinni
heimsvæðingu. Rannsóknir sýni að fólk fari
í ferðalög af margvíslegum ástæðum; sé að
heimsækja ættingja, fara í frí, sinna við-
skiptaerindum. Eftir því sem ferðalögunum
fjölgar þeim mun meira máli skipti að auka
þægindin og afþreyinguna um borð.
En borga svona dýrar breytingar sig og
þarf svona mikla afþreyingu þegar fólk er
í tveggja til þriggja tíma flugi? Það er mat
Halldórs sem segir að farþegar vilji afþrey-
ingu þótt hún vegi auðvitað mun þyngra á
óskalista farþega í lengri flugferðum.
„Þessar breytingar eru liður í að marka
okkur sérstöðu. Við fljúgum á tiltölulega
löngum flugleiðum, þar sem flest flug eru
um það bil þriggja til fimm klukkustunda
löng. Það sýnir sig að fólk vill hafa eitthvað
fyrir stafni í flugi á svo löngum leiðum og
við sjáum í þessu bæði tækifæri en ekki síður
samkeppnisforskot. Stefnumótunarvinnan
hefur gengið út á að við ætlum okkur bæði
að bjóða upp á hagstæð flugfargjöld og þróa
um leið starfsemi í tengslum við afþreyingu,
verslun og þjónustu við farþegana. Það er
hugsunin,“ segir Halldór Harðarson.
Þetta er lífið...
Breytingarnar eru miklar hjá Icelandair á
þeim 70 árum sem félagið hefur starfað.
Fyrir yfir tuttugu og fimm árum lagði félagið
mikið upp úr skilaboðum í auglýsingum þar
sem farþeginn settist í sætið, spennti beltin,
hallaði sér aftur, fyndi að hann væri á leið
til útlanda og segði við sjálfan sig: Þetta er
lífið.
Núna er lífið að hver farþegi sé eigin sjón-
varpsstjóri.
a u g lý s i n g a h e r f e r ð
Halldór Harðason markaðsstjóri Icelandair segir hér frá herferðinni á bak við nýju sætin og þeirri afþreyingu sem þeim fylgja.