Frjáls verslun - 01.03.2008, Síða 103

fólk
F R J Á L S V E R S L U N • 3 . T B L . 2 0 0 8 103
en þar sem yngsta barnið okkar fæddist haustið 2004 hefði það næsta átt
að koma núna í haust. Við ákváðum að láta staðar numið og fengum okkur
í staðinn hann Goða sem er 6 mánaða Golden Retriever
hvolpur. Hann er um þessar mundir að stíga sín fyrstu
spor í fjallgöngusporti fjölskyldunnar.
Fjölskyldan er með göngubakteríuna og við göngum á
fjöll vikulega með tvö eldri börnin og Goða. Við gengum
á Vífilfell um síðustu helgi og ætlum okkur að glíma
við Stóra-Kóngsfell um þá næstu. Svo erum við búin að
skipuleggja fjórar langar göngur í sumar og verðum því
talsvert á fjöllum. Við förum líka í fjallaferðir á veturna og
má segja að göngu- og jeppaferðir eigi hug okkar. Frábært
sport fyrir alla fjölskylduna, til að mynda fórum við í fyrra
með eldri strákinn okkar, sem þá var 6 ára, á Fimmvörðu-
háls. Mér finnst það ákveðin forréttindi að hafa aðgang að
landi eins og Íslandi og allt of lítið um það að Íslendingar
ferðist um landið sitt. Svo fer fjölskyldan saman á skíði,
erum búin að fara tvisvar norður á Akureyri frá áramótum þar sem hluti
fjölskyldunnar býr og svo eyddum við viku í janúar á Ítalíu á skíðum í
stórum og góðum vinahópi.“
Arna Hansen: „Mér finnst það ákveðin forréttindi að hafa aðgang að landi
eins og Íslandi og allt of lítið um það að Íslendingar ferðist um landið sitt.“
markaðsstjóri
Heilsuverndarstöðvarinnar
ArnA hAnsen
Heilsuverndarstöðin er einkarekið fyrirtæki á sviði heilbrigðisþjónustu sem mikið hefur verið fjallað um í fjölmiðlum undanfarið. Meðal þess sem borið
hefur á góma tengt því er rekstur athvarfs fyrir heimilislausa
í samstarfi við velferðarráð borgarinnar, 30 rúma dagvistar-
deild, 20 rúma legudeild í samstarfi við heilbrigðis-
ráðuneytið og opnun læknamóttöku fyrir ósjúkratryggða
innflytjendur. Fyrirtækið er í gömlu Heilsuverndar stöðinni
við Barónsstíg. Arna Hansen starfar sem markaðsstjóri
Heilsuverndarstöðvarinnar.
„Ég hóf störf hjá fyrirtækinu, sem þá hét InPro, fyrir
tveimur árum og var fengin til þess að stofna Heilsuvernd-
arstöðina sem þá var lítil eining innan InPro. Þetta var mjög
skemmtilegt verkefni, ég bjó til heimasíðu og logo og var
með um 10 starfsmenn í vinnu. Þá fór starfsemi fyrirtækisins
að stærstum hluta fram á álversframkvæmdasvæðinu á Reyð-
arfirði en þar vorum við með 30 starfsmenn þegar mest var,
vorum hluti af öryggis-, umhverfis- og heilsuteymi Bechtels
og rákum sólarhringssjúkraskýli fyrir starfsfólkið á staðnum.
Í dag er starfið mitt fjölþætt en tíminn fer að stórum hluta
í fundi ásamt tilboðs- og samningagerð til
fyrir tækja sem vilja efla heilsu- og vinnu-
vernd starfsmanna.
Ég kláraði hjúkrunarfræði frá Háskóla
Íslands árið 1994 og eftir stutt stopp á Land-
spítalanum byrjaði ég hjá Vistor sem þá hét
Pharmaco og vann við markaðssetningu lyfja
fyrir bandaríska fyrirtækið Pfizer í rúm átta
ár. Þetta var mjög skemmtilegur tími, ég
tók þátt í að markaðssetja eitt þekktasta lyf
heims sem allir biðu spenntir eftir árið 1999,
Viagra. Hjá Vistor var gott að vinna, mikið
af góðu fólki sem er meðal minna nánustu
vina í dag.“
Arna er gift Guðjóni Norðfjörð viðskipta-
fræðingi sem er sviðsstjóri viðskiptaráðgjafar hjá fyrirtækinu
Ernst og Young: „Við eigum þrjú börn sem fædd eru á fjögurra
ára fresti að hausti. Ákaflega hentugt að hafa reglu á hlutunum
Nafn: Arna Hansen.
Fæðingarstaður: Reykjavík,
19. janúar 1970.
Foreldrar: Valdemar Hansen
svæfingalæknir og Erna
Andrésdóttir húsmóðir.
Maki: Guðjón Norðfjörð.
Börn: Ísold, 11 ára, Nökkvi,
7 ára og Ísak, 3 ára.
Menntun: MBA frá Háskólanum
í Reykjavík 2005 og B.Sc. í
hjúkrun 1994.