Frjáls verslun - 01.05.2009, Qupperneq 20

20 F R J Á L S V E R S L U N • 5 . T B L . 2 0 0 9
s t j ó r n u n
Hulda Dóra Styrmisdóttir
er stjórnarformaður í Nýja
Kaupþingi banka. Hún hefur
kennt námskeiðið Konur og
stjórnun við viðskiptafræði-
deild Háskólans í Reykjavík.
H
ulda Dóra Styrmisdóttir, stjórnarformaður Nýja
Kaupþings banka, segir að hún verði vör við áhyggjur
margra kvenna af því að þegar koma muni að sölu fyr-
irtækja sem bankar þurfa að taka yfir, verði þau seld til
„gamalla vina og kunningja“.
„Mín svör við þeim áhyggjum hafa verið á einn veg:
Fyrirtækin verða seld þeim sem hafa á þeim áhuga og
vilja og getu til að kaupa þau,“ segir Hulda. „Það
er áhættusamt að kaupa fyrirtæki og kaupendur
verða að vera tilbúnir til að taka þá áhættu.“
Hulda Dóra segir að konur sem hafa
áhuga á að kaupa fyrirtæki – og hafa hingað
til ekki talist til „gamalla vina og kunn-
ingja“ – þurfi einfaldlega að láta af sér
vita og fylgja sínum áhuga eftir. „Á næstu
mánuðum munu skapast tækifæri til að
breyta til frambúðar landslagi íslensks
atvinnulífs – og ég skora á konur að
grípa það tækifæri,“ segir hún.
Þegar miklar hræringar eiga sér stað
– og þegar það sem áður voru viðteknar
venjur eru það ekki lengur – skapast
tækifæri fyrir þá sem þora að stíga fram,
taka ábyrgð og áhættu.
„Íslenskt viðskiptalíf hefur, þrátt fyrir
mikla siglingu og breytingu á háttum und-
anfarin ár, verið mjög staðnað að því leyti
að konur hafa átt þar erfitt uppdráttar,
þrátt fyrir framúrskarandi menntun
og víðtæka reynslu.
Mynd: geir ólafsson
„konur og karlar eru eins og tveir
fætur – þau þurfa hvort á öðru að
halda til að komast áfram.“
Bjóða konur í ríkisfyrirtækin?