Frjáls verslun - 01.05.2009, Síða 63

F R J Á L S V E R S L U N • 5 . T B L . 2 0 0 9 63
Á H r i F a M E s t a r Á n o r ð u r L ö n D u M
Hanna Nurminen er ríkasta kona Finnlands
og ein sú áhrifamesta þar í landi. Og hún
hefur verið í fréttunum nú í sumar vegna
óvenjulegra viðskipta; Hanna varð að kaupa
dóttur sína lausa úr haldi mannræningja.
Það kostaði hana hálfan annan milljarð
íslenskra króna en hún fær peningana til
baka.
Ránið á Minnu Nurminen vakti mikla
athygli um öll Norðurlönd nú snemm-
sumars. Minna er dóttir ríkustu konu
Finnlands. Lengi leit út fyrir að henni væri
haldið í Svíþjóð og kærastinn er norskur.
Þetta tryggði óvelkomna uppslætti á for-
síðum allra blaða í viðkomandi löndum en
að lokum tókst að hafa uppi á manninum,
sem ætlaði sér að verða ríkur á mannráni.
Hanna Nurminen stóð sjálf í viðræðum
við ræningjann en bæði sænska og finnska
lögreglan var henni til aðstoðar og allt fór
vel eftir meira en tveggja vikna óvissu.
Hanna Nurminen er svo sem ekki óvön
að vera í fréttum en af öðrum ástæðum en
samningum við mannræningja. Hún er að
því leyti dæmigerð fyrir margar ríkar konur
að auðurinn er arfur frá föður. Arfinn hefur
hún nýtt til að styrkja menningu, listir og
vísindi.
arfur lyftukóngsins
Faðir hennar var Pekka Herlin, eigandi fyr-
irtækisins Kone, sem er enn þann dag í dag
eitt af stærstu framleiðendum á lyftum og
rúllustigum í heiminum. Kone býður upp
á hraðskreiðustu húslyftu í heimi. Sú er í
skýjakljúfnum Tapei 101 á Tævan og fer á
61 kílómetra hraða á klukkustund. Tapei
101 er hæsta fullbyggða bygging í heimi.
Fyrirtækið var stofnað árið 1910 og nafnið
Kone þýðir einfaldlega vélar.
Raunar eru systkin Hönnu nafnkunn
í Finnlandi líka. Erfingjar Pekka Herlins
eru fimm og Pekka mun hafa á dánarbeði
arfleitt elsta soninn, Antti, að meirihluta
eigna sinna. Hanna hefur ekki dregið þá
ákvörðun í efa og er sátt við sinn hlut. Hin
systkinin þrjú hafa hins vegar reynt að fá
stærri hlut af arfinum en faðirinn ætlaði.
Deilur systkinanna hafa farið fyrir dóm-
stóla og stríðinu um arfinn eftir lyftukóng-
inn er ekki lokið enn. Hanna situr hins
vegar enn í stjórn lyftufyrirtækisins og
fleiri fyrirtækja með Antti bróður sínum.
Antti er talinn ríkasti maður Finnlands
og öll lyftu-fjölskyldan er umtöluð vegna
ríkidæmis.
Menningarsjóður
Fyrir marga Finna er Kone þó annað og
meira en bara snöggar lyftur og hraðskreiðir
stigar – og deilur um arfinn. Kone er líka
nafn á sjóði sem Hanna Nurminen stofnaði
um sinn hluta af arfinum eftir föður sinn.
Og það er stjórn Hanne Nurminen á Kone-
sjóðnum sem heldur nafni hennar á lofti.
Sjóðurinn veitir árlega umtalsverða styrki
bæði til vísindarannsókna og menningar-
mála. Árstekjur Hönnu eru taldar jafnvirði
hálfs þriðja milljarðs íslenskra króna.
Hanna er eina Herlin-systkinið sem
ekki ber nafn ættarinnar. Það er vegna
þess að hún giftist ung bóndanum Jaakko
Nurminen. Fjölskyldan býr á búi sínu nærri
Turku í sænskumælandi hluta Finnlands.
Jaakko talar aldrei við blaðamenn og það
er eingöngu vegna ránsins á annarri dóttur
þeirra hjóna sem nafn bónda hennar hefur
birst í alþjóðlegum fjölmiðlum.
jaakko talar aldrei við
blaðamenn og það er
eingöngu vegna ránsins á
annarri dóttur þeirra hjóna
sem nafn bónda hennar
hefur birst í alþjóðlegum
fjölmiðlum.
Hanna nurminen er ríkasta kona Finnlands:
Dóttirin í klóm mannræningja
Hanna Numinen er ríkasta kona Finnlands og
ein sú áhrifamesta.