Frjáls verslun - 01.05.2005, Síða 77

F R J Á L S V E R S L U N • 5 . T B L . 2 0 0 5 77
Jafnframt verður gaman að fylgjast með þeirri kynslóð sem er að
alast upp í dag. Hún elst upp við þennan hraða á meðan við sem
eldri eru ólumst upp við stöðugra umhverfi. Við viljum hafa stjórn á
hlutunum og vita nokkurn veginn hvernig morgundagurinn verður.
Aftur á móti hefur verið bent á að kynslóðin sem er að alast upp er
vön tíðari endurgjöf eins og tíðkast í tölvuleikjum og gæti hún því átt
erfitt með að koma inn í umhverfi þar sem lítið er um endurgjöf eins
og staðan er í mörgum fyrirtækjum í dag.“
Uppbygging sjálfstrausts Hvernig er hægt að byggja upp sjálfs-
traust sem er horfið? „Þegar um hóp starfsmanna á vinnustaða er
að ræða þá þarf þó nokkur vinna að eiga sér stað. Auðvitað viljum
við að vinnustaðurinn komi á móts við starfsfólkið en yfirleitt er
ekki hægt að ganga til baka með breytingar. Það er því mikilvægt
að vel sé að breytingum staðið, starfsmönnum haldið vel upplýstum,
útskýringar sér rökstuddar og skýrar og að starfsmenn fái sjálfir að
koma með tillögur og taka þátt. Jafnframt þarf að gera starfsfólki
skiljanlegt að ef það ætlar að taka þátt í breytingunum og aðlagast
þeim þarf það að byrja á að skoða viðhorf sitt.
Mikilvægt er að benda fólki á tengslin á milli hugsunar, líðanar og
hegðunar. Jafnframt þarf að brjóta markmið og verk niður í minni
einingar þannig að líkur á skammtímasigrum hjá hverjum og einum
aukist og þannig geti starfsmaðurinn fundið fyrir ávinningi af vinnu
sinni í gegnum allt ferlið. En eins og áður hefur komið fram geta
breytingarnar sjálfir valdið því að sjálfstraust minnkar og viðhorf
til sjálfs síns og annarra orðið neikvætt. Því miður hef ég komið
inn á vinnustaði þar sem fólk er orðið þreytt og útbrunnið eftir að
stöðugar breytingar hafa átt sér stað. Breytingunum verður ekki
breytt og stundum taka þær sinn toll. Stundum er þó um hreinan
ágreining um eðli breytinganna að ræða og ef ekki er komist að
samkomulagi þá er það oft svo að eina leiðin fyrir starfsmann er að
skipta um vinnustað.
Ef starfsmaður vill vinna áfram þrátt fyrir að honum líki ekki breyt-
ingar, og hafi misst sjálfstraust vegna þeirra, er mikilvægt að benda
honum á að hugarfar skipti máli fyrir eigin vellíðan. Hann verður að
gera sér grein fyrir því að ekki þýðir að bíða eftir að yfirmaður komi
til hans með hvatningu og hrós. Hann hefur oft á tíðum ekki tíma né
hæfni til þess. Þessum starfsmanni þarf að hjálpa til að finna hvar
styrkleiki hans liggur eftir breytingarnar og hvernig hann geti nýtt sér
hann í starfi. Auðvitað er best að fá stjórnendur með sér og oftar en
ekki hafa þeir tekið þátt í svona uppbyggingarstarfi. Flestir eru þeir af
vilja gerðir og tilbúnir til að koma til móts við starfsfólk sitt.“
Linda Bára segir að lokum að aðeins sé hægt að vinna með þeim
einstaklingum sem viðurkenna að sjálfstraustið sé laskað og þeir
þurfi á aðstoð að halda: „Þeir sem gera sér grein fyrir ástandi sínu
koma á fyrirlestra, sitja námskeið, leita ráðgjafar og eru meðvitaðir
um ástand sitt. Svo eru aðrir sem ekki viðurkenna að þeir séu í
vandræðum og eru í afneitun. Þeir þurfa kannski á mestri aðstoð
að halda.“
Linda Bára Lýðsdóttir: „Því
miður hef ég komið inn á
vinnustaði þar sem fólk er
orðið þreytt og útbrunnið
eftir að stöðugar breytingar
hafa átt sér stað.“
M I K I L V Æ G I S J Á L F S T R A U S T S
SJÁLFSTRAUST