Frjáls verslun - 01.05.2005, Side 83
F R J Á L S V E R S L U N • 5 . T B L . 2 0 0 5 83
hennar, Logi Þormóðsson og Bjargey Einars-
dóttir, ráku ferskfisksútflutningsfyrirtækið
Tros um árabil og hún kynntist rekstri í sjávar-
útvegi strax í barnæsku. Hún setti stefnuna
á að vinna við sjávarafurðir og útskrifaðist
úr sjávarútvegsfræðum frá Háskólanum á
Akureyri árið 1997 og lokaverkefni hennar
fjallaði um innanlandsmarkað í ferskfiski,
en því verkefni fylgdu rannsóknir á neyslu
og sölu á fiski hér innanlands.
„Ég var í Bandaríkjunum árið 1992 og
vann þá í fiskbúð sem rekin var á gjör-
ólíkum forsendum en því sem ég þekkti
áður hér að heiman. Það opnaði augu mín
fyrir því hversu sala á fiski var frumstæð
hér á landi. Öll umræða um fisk og öllu sem
honum tengist var frekar neikvæð hér og
þar sem litið var á fisk og fiskvinnslu sem
annars flokks. Við krakkarnir fengum öll að
heyra það einhvern tíma í skólagöngunni að
„ef þú lærir ekki, þá endarðu bara í fiski“.
Ég var alin upp við metnað í meðhöndlun
fiskafurða en foreldrar mínir áttu einnig
hlut í Veitingahúsinu við Tjörnina þar sem
lögð var áhersla á að bera fram kræsingar
úr sjávarfangi. Þar var unnið mikið frum-
kvöðlastarf sem matgæðingar kunnu vel
að meta.
Eftir tilkomu þessa staðar fóru viðhorfin
smátt og smátt að breytast og fólk fór að
gera sér grein fyrir hversu mikil verðmæti
lægju í góðu hráefni og vandaðri matreiðslu
fisks.
Ég ætlaði mér alltaf að setja á stofn fyrir-
tæki með mikinn metnað á þessu sviði og
árið 2002 var ég tilbúin að byrja, en vildi
endilega undirbúa þetta vel og fór á frum-
kvöðlanámskeið hjá Auði í krafti kvenna.
Ég fór með því hugarfari að þetta þyrfti að
kynna vel, gagnrýna það og laga að markað-
inum. Þátttakan gerði mig öruggari og gaf
mér mikla gleði og metnað fyrir fyrirtækið
mitt og ég sótti mikinn styrk þangað.
Hágæða hráefni og sérhæfing
Ég fór af stað með þann hugsunarhátt við
stofnun fyrirtækisins að öll borðum við.
Ég er sjálf þannig að ég versla víða,
einn daginn fer ég kannski í Bónus, annan
í Nóatún og þann þriðja á enn annan stað.
Stundum hentar mér að kaupa ódýran mat
í magni, en stundum vil ég kaupa eitthvað
dýrara og tilbúið. Við miðum markaðssetn-
ingu við fólk sem kann gott að meta og það
kunna langflestir í samfélaginu.
Fylgifiskar er í raun á milli fiskbúðar og
veitingastaðar á heimsmælikvarða og aðal-
áherslan er lögð á að hráefnið sé alltaf fyrsta
flokks. Við sækjum hráefnið til sérfræðinga
á hverju sviði, gæðavottuðum fyrirtækjum
með áratuga þjálfun og þekkingu í útflutn-
ingi á ferskfiski.
Fiskneyslu þarf að kenna
Við bjóðum líka upp á allt mögulegt sem
nýtist við matargerðina og þar gildir sama
reglan, við höfum aðeins góðar vörur,
ferskt krydd, góðar olíur og þess háttar á
boðstólnum.
Fylgifiskar á Suðurlandsbrautinni er nokk-
urs konar þjónustuver, við viljum kenna fólki
að nýta þetta hágæðahráefni og getum boðið
viðskiptavinum okkar upp á leiðbeiningar
og kennslu. Við erum líka með þjónustuvef,
„fylgifiskar.is“, á netinu fyrir viðskiptavini
okkar og þar geta þeir sem vilja skráð sig og
fengið upplýsingar um það sem er á döfinni,
nýjungar í framboðinu og um tilboð sem eru
í gangi hverju sinni. Þessi miðill er talsvert
notaður, síðast vorum við með tilboð á grill-
rétti sem vakti mikla lukku.
Við eigum enn langt í land að nýta það
frábæra hráefni sem við eigum í fiskafurðum
hér á landi. Það liggur líka í uppeldi sumra
að borða ekki fisk og það þarf að kenna fólki
fiskneyslu. Hingað koma oft pör þar sem
annað hjónanna borðar fisk en hitt ekki og
við höfum séð margan fiskhatarann breytast
í fiskunnanda á mjög stuttum tíma. Börn
vilja oft bragðminni fiskrétti en við búum
ekki til sérstaka barnarétti með sykri. Við
þekkjum af reynslunni hvað börnum líkar,
þau borða fisk með bestu lyst ef hann er rétt
matreiddur og við viljum að þau verði fram-
tíðarviðskiptavinir með góðan smekk.
Framboðið hjá okkur breytist eftir árs-
tíðum og við höfum aðrar áherslur í byrjun
vikunnar en þegar fer að nálgast helgina.
Fyrri part vikunnar bjóðum við hverdags-
legri mat eins og fiskibollur, plokkfisk og
ýmiss konar raspaðan fisk, þótt auðvitað
sé margt annað á boðstólnum. Á fimmtu-
dögum og fram að helgi er svo lögð meiri
áhersla á hvers konar veislumat. Við erum
með úrval forrétta og aðalrétta úr fiski og
í kæliborðinu á Suðurlandsbrautinni er að
finna yfir þrjátíu fiskrétti hverju sinni.
Sushið hefur náð góðri fótfestu hér og
allir dagar eru sushidagar í Fylgifiskum en
föstudagar eru sérstakir hjá okkur, þá getur
fólk valið um bita og raðað í bakka eins og
það vill. Aðra daga erum við með tilbúna
sushibakka til sölu. Við erum líka með úrval
af snyrtum fiski til sushigerðar ef fólk vill
prófa sjálft.
Fiskréttir eru líka að verða vinsælir sem
veisluréttir og veisluþjónustan er alltaf að
verða sterkari þáttur í rekstrinum. Þessi
þjónusta hefur mælst mjög vel fyrir og
það má til dæmis nefna að fyrstu vikuna
í júlí verðum við gestakokkar í nýju ferða-
mannaparadísinni í Fossatúni.
Miðbæjarútibúið
Guðbjörg Glóð rekur nú tvo staði undir
nafni Fylgifiska.
„Við erum 10 manns sem vinnum hér
fulla vinnu. Hér hefur verið sama fólkið frá
upphafi og þetta er góður kjarni sem veit
hvað hann er að gera. Það má segja að hér
sé valinn maður í hverju rúmi.
Á Skólavörðustígnum, sem við köllum
miðbæjarútibúið okkar, er einnig hægt að
kaupa fiskréttina og fá sér fisk og súpu í
hádeginu. Þetta er minni verslun, en við
bjóðum viðskiptavinum í miðbæ að panta
deginum áður og láta senda á Skólavörðu-
stíg ef vill. Við flokkum okkur sem hágæða
skyndibitastað, hér er bæði hollur og bragð-
góður matur sem fljótlegt er að elda. Þessa
dagana erum við að leita okkur að góðum
stað fyrir þriðja Fylgifiskinn einhvers staðar
á Reykjavíkursvæðinu því það er mikill
uppgangur og nóg að gera, svo ef einhver
veit um laust pláss má endilega láta okkur
vita.“
H V E R J U S K I L A Ð I A U Ð U R ?
„Við erum eins konar
millistig milli fiskbúð-
ar og veitingastaðar.
Aðaláherslan er lögð á
gæði hráefnisins.“