Frjáls verslun - 01.02.2006, Qupperneq 14

FRÉTTIR
14 F R J Á L S V E R S L U N • 2 . T B L . 2 0 0 6
Hótel Glymur í Hvalfirði hefur verið
gert að lúxushóteli eftir gagn-
gerar breytingar og endurnýjun á
innviðum hótelsins. Markmiðið með
breytingunum, segir Hansína Einars-
dóttir hótelstjóri, er að bjóða upp á
lúxusdvöl í einstakri náttúrufegurð
með tilheyrandi álfabyggð og fugla-
lífi við bæjardyr höfuðborgarinnar.
Framkvæmdirnar hófust þann
11. janúar síðastliðinn og má segja
að öllu innanstokks hafi verið
mokað út. Öllum herbergjum á efri
hæð hótelsins hefur verið breytt í
smásvítur á tveimur hæðum.
„Á neðri hæð hverrar svítu er
setustofa með flatskjársjónvarpi,
nettengingu, minibar og kaffivél,
sérhönnuðu sófasetti og borðum,
auk þess sem smíðaðir hafa verið
nýir fataskápar. Á baðherbergi er
nýtt gólfefni, haganlega hannaðar
sturtur og ný hreinlætistæki. Stig-
inn upp á svefnhæðina er sérhann-
aður úr málmi og viði. Á efri hæð
eru ný rúm sem uppfylla ströng-
ustu gæðakröfur og hver svíta
hefur sína liti, sinn svip. Allur textíll
kemur frá Ítalíu og er sérhannaður
fyrir hótelið.“
Það voru þeir Ólafur Kvaran,
safnstjóri Listasafns Íslands,
og Birgir Már Ragnarsson,
framkvæmdastjóri eignar-
haldsfélagsins Samsons,
sem skrifuðu undir samning-
inn undir vökulum augum
Þorgerðar Katrínar Gunnars-
dóttur menntamálaráðherra,
Björgólfs Guðmundssonar
og Knúts Bruun, formanns
stjórnar Listasafns Íslands.
Eignarhaldsfélagið Samson og
Listasafn Íslands skrifuðu nýlega
undir samstarfssamning sem
felur í sér að Samson verður aðal-
styrktaraðili Listasafns Íslands
næstu þrjú árin. Samson mun
styrkja listasafnið um 45 millj-
ónir króna á samningstímanum.
Í framhaldi af samningnum hefur
Listasafn Íslands ákveðið að fella
niður aðgangseyri að safninu og
er þess vænst að þetta muni
stuðla að aukinni aðsókn að
safninu.
Samson styrkir Listasafn Íslands:
Fella niður aðgangseyri
að Listasafni Íslands
Knútur Bruun, formaður stjórnar Listasafns Íslands, og Þorgerður
Katrín Gunnarsdóttir menntamálaráðherra ræða málin.
Hótel Glymur gert að lúxushóteli
Hansína Einarsdóttir hótelstjóri og Jón Rafn Högnason.