Tímarit Máls og menningar - 01.05.1961, Page 45

GUÐSBARNALJÓÐ
2
Sjá hér er Guð á gangi
— hve gott að nálgast hann
hann bjó til bláar stjörnur
hann bjó til konu og mann
og gaman er að ganga
um garðinn eins og hann.
Hans eldleg ásýnd kveikir
sinn eigin ljósabaug
og hempan hans er ofin
úr himins rósalaug
og okkar ungu höfuð
fá einnig ljósabaug.
Og okkur vaxa vængir
á vegi skaparans
og hendur okkar eru
ein orðlaus bæn til hans
er fetum við til vígslu
að vatni skaparans.
Með blóðsins dyn í brjósti
við bergjum loksins hér
á því sem var og verður
í vitund þess sem er
— við finnum allt í einu
að eilífðin er hér.
123