Tímarit Máls og menningar - 01.05.1961, Síða 24

HANNES SIGFUSSON
Saga yestrænnar íhlutunar í Kína
Iellefu ár hefur Bandaríkjastjóm
beitt áhrifum sínum til að sporna
við því að Kínverska alþýðulýðveld-
ið, tæpur fjórðungur mannkyns, nái
þeim sjálfsagða rétti að eignast full-
trúa á þingi Sameinuðu þjóðanna.
Bandaríkjastjórn hefur ekki látið þar
við sitja: Hún hefur veitt landflótta
stríðsglæpamanni umboð til að ráð-
stafa atkvæði og tillögurétti kínversku
þjóðarinnar — gegn hagsmunum
þessa sama mannkynsfjórðungs.
Til þessa ólýðræðislega ofbeldis-
verks hefur Bandaríkjastjórn notið
stuðnings og fulltingis vestrænna
handamanna sinna og ýmissa leppa
víðsvegar um heim, þeirra sem fjálg-
legast tala um lýðræðið og frelsið.
Nú geta þeir, sem styðja Sjang Kæ-
sjek, ekki skotið sér á bak við fávizk-
una og látið sem þeir viti ekki hvaða
misindismann þeir eru að styðja til
áhrifa um gang heimsmálanna. Fyrir
því eru ljós rök, útgefin í skýrsluformi
af Bandaríkjastjóm sjálfri, að Sjang
Kæ-sjek hafði fyrir löngu glatað
trausti og virðingu þjóðar sinnar þeg-
ar hann hrökklaðist út á Formósu
með leifar hers síns og bitlingalýðs.
Fáir stjórnmálabraskarar hafa verið
afhjúpaðir jafn rækilega og miskunn-
arlaust af vinum sínum og stuðnings-
mönnum og þessi einvaldi böðull. Og
fáum byltingarstj órnum hefur verið
hrósað jafn eindregið af fjandmönn-
um sínum og kínversku alþýðustj órn-
inni — af fulltrúum Bandaríkja-
stjórnar í áðurnefndri skýrslu. Allt
hefur legið ljóst fyrir um þetta mál
frá upphafi. Skýrsla Bandaríkja-
stjórnar kom út í bókarformi 1949,
um það bil sem Kínverska alþýðulýð-
veldið var stofnað, og hefur síðan ver-
ið aðgengileg öllum almenningi.
Raunin hefur líka orðið sú, að ýms-
um vestrænum ríkisstj órnum hefur
ekki þótt stætt á því til lengdar að af-
neita jafn augljósri staðreynd og Kín-
verska alþýðulýðveldinu, þjóðríki
670 milljóna manna, og hafa því við-
urkennt hana, án þess þó að þeim
vaknaði jafnframt sérstök ástríða til
að berjast fyrir aðild þessara millj-
óna að samfélagi þjóðanna. Meðal
þessara ríkja eru Bretland og Norður-
löndin öll — að íslandi undanskildu.
102