Tímarit Máls og menningar - 01.09.1963, Page 33

NIÐUR MEÐ LIST YKKAR
Þar sem ná ei augun manna,
að oss grimmt með hungurskörum
og þyrnikórónu byltinganna
nítján hundruð og sextán fer.
Og ég er þess fyrirrennari, ykkar á meðal;
ég er þar sem sársaukinn er, allsstaðar;
á hverju tári
lief ég krossfest mig.
Nú er ekkert lengur til að fyrirgefa.
Eg hef brennt þœr sálir sem viðkvœmni geymdu.
Það var erfiðara en að taka
þúsund þúsund Bastillur!
Og þegar
þið tilkynnið komu þess
með róstum
og gangið á móti lausnara ykkar —
skal ég
rífa út sál mína,
troða á henni,
svo hún verði stór! —
og rétta ykkur hana alblóðuga, sem fána.
Annar kafli Ijóðaflokksins „Ský í buxum“.
Geir Kristjánsson þýddi úr rússnesku.
223