Tímarit Máls og menningar - 01.12.1978, Blaðsíða 19

Amerískar myndir
oft vanur að gera. Aðeins tveimur tímum áður var svo allt í einu hringt
í mig og ég beðinn að fara ekki með Popeye heim. Ef ekki hefði orðið af
þeirri símhringingu hefði ég ekki getað séð sjónvarpsfréttir næsta kvöld:
„Gott kvöld, þetta eru fréttir kl. 11, sunnudagskvöld. Lögreglan í San
Fransisco heldur áfram rannsókn á morði fangelsisumbótamannsins Pop-
eye Jackson, formanns Stéttarfélags fanga. Hann sat í bílnum sínum ásamt
Sally Voye, 28 ára, kl. 2.45 á sunnudagsmorgun. Lögreglan segir að þau
hafi látið lífið þegar í stað.
Eins og mörg ykkar elska ég hunda. Mér þykir mjög vænt um þá. Þess
vegna gef ég hundinum mínum Alpo. Því að kjöt er eðlilegur hunda-
matur. Það er það sem þeim þykir best af öllu. Kjötmáltíð Alpo er búin
til úr nautakjöti sem er verulega gott fyrir þá. Það er ekki gramm af hveiti
í því. Ef þú gefur hundinum þínum Alpo þarftu ekki að gefa honum
neitt annað. Það er ekki til betri hundamatur í heiminum!
— (Lögregluforingi): Morðinginn virðist fyrst hafa skotið rúðuna úr
bílnum og skotið síðan á fólkið af stuttu færi. Fyrsta kúlan hitti Sally
Voye og sú næsta Popeye Jackson. Morðinginn hefur að því er virðist
ekki reynt að ræna þau. Við fundum peningaseðla og smápeninga í vös-
um hinna látnu.
— (Sjónvarpsmaður): Þetta gæti virst hafa verið hefndaraðgerð.
— Já, það er mjög sennileg hugmynd.
— Er það sú hugmynd sem þið vinnið eftir?
— Við höfum hana í huga sem möguleika. Venjulegt ránmorð er þetta
ekki.
— Lögreglan segir að fjöldi fólks hafi hlaupið út í glugga þegar það
heyrði skotin. Á morgun mun lögreglan yfirheyra það til að hafa upp á
morðingjanum.
Hér sjáið þið hvar allt byrjar. Hér sjáið þið hr. Jones sem fær sér fyrsta
gómsæta bitann af „Kentucky-steiktum kjúklingi" og ómótstæðilegur ilm-
urinn fær þig líka sjálfan til að fá þér bita. í öllum heiminum er bara
einn steiktur kjúklingur sem bragðast svo fingursleikjandi vel að þú segir
Váá! Nú er Kentucky-steiktur kjúklingadagur."
349