Tímarit Máls og menningar - 01.07.1980, Síða 30

Tímarit Máls og metiningar
var ekki síður mikilvægt að fá málefni farandverkafólks tekin upp þar.
Akvað hópurinn því að hefja blaðaskrif og hafa jafnframt samband við það
forystufólk almennu verkalýðsfélaganna sem vitað var að studdi málstað far-
andverkafólks til að reyna að tryggja að kjaramálaráðstefna VMSÍ fjallaði um
málið. Síðan skyldi haldinn opinn fundur fyrstu helgina í janúar og verkalýðs-
forystunni boðið þangað sérstaklega. Var ákveðið að auglýsa þann fund vel, m.
a. með dreifiritaherferð kringum áramódn.
Þá var ákveðið að efna til sérstakrar aðgerðar við opnun kjaramálaráðstefnu
ASI og reyna þannig að tryggja að kröfur farandverkafólks fengju umfjöllun og
yrðu teknar með í kröfugerð ASÍ.
Var nú undirbúningur hafinn, og jafnframt fór einn félagi í hópnum að
vinna að gerð útvarpsþátta um málefni farandverkafólks. Þó að starf hópsins í
desember og fram í miðjan janúar miðaðist fýrst og fremst við að reyna að
tryggja að ASI tæki upp kröfurnar gerði hópurinn sér grein fyrir því að þó það
væri forsenda einhvers árangurs yrði það samt engin trygging hans. Gert var ráð
fyrir að samningar tækjust milli verkalýðshreyfmgarinnar og atvinnurekenda
um vorið á meðan vertíð stæði yfir. Því var ekki síður mikilvægt að ná sambandi
við farandverkafólk sem þá yrði úti á verstöðvunum og reyna í samvinnu við það
að skapa eins mikinn þrýsting og unnt væri á kröfurnar þegar samningar væru
að ganga saman. Slíkt samstarf auðveldaði líka kynningarstarf á verbúðunum,
upplýsingaöflun um kjör og aðbúnað og leiddi hugsanlega til sjálfstæðs starfs
farandverkafólks á einstökum verstöðvum. Því var einnig ákveðið að nota
dreifiritið og fundinn til að ná til sem flests farandverkafólks í Reykjavík, skrá
það niður og reyna að halda sambandi við það þegar það væri komið út á
verstöðvarnar.
Til að halda slíku samstarfi og til að farandverkafólk úti á verstöðvunum
hefði að eigin frumkvæði samband við hópinn varð hópurinn að koma sér upp
fastri bækistöð með síma. Fyrir hátíðar, þegar unnið var að undirbúningi
fundarins, urðu félagar úr hópnum varir við það að sú skoðun virtist breiðast út
eins og eldur í sinu meðal verkalýðsforystunnar að barátta farandverkafólksins
væri að taka á sig einlitan pólitískan blæ. Lýstu margir í þeim röðum áhyggjum
sínum yfir þvi að Fylkingin væri að yfirtaka baráttuna. Þó eflaust hafi einhverjir
i röðum verkalýðsforystunnar gengið með þessar áhyggjur varð sú skoðun
fljótlega yfirgnæfandi í hópnum að þeir væru fleiri sem með þessum orðrómi
hygðust reyna að einangra baráttu farandverkafólksins með því að binda hana
þeim smásamtökum sem standa pólitískt einangruð yst á vinstri kantinum.
Þeirri aðferð hefur verkalýðsforystan mjög oft beitt undangenginn áratug með
156