Tímarit Máls og menningar - 01.07.1980, Blaðsíða 58

Kay Leah
Aðstæður erlends
farandverkafólks
Árlega koma til íslands mörg hundruð stúlkur, aðallega frá Ástralíu og Nýja Sjálandi, til
að vinna við fiskvinnslu. Þær hafa lítið samband við íslendinga þar sem þær búa, bæði
hindra tungumálaerfiðleikar og hirðuleysi staðarbúa um að gera útlendingunum dvöl-
ina lcttbærari. I eftirfarandi grein segir áströlsk stúlka frá þvi hvernig hún kom hingað
til lands og hver reynsla hennar hefur verið af dvölinni hér.
Margar okkar heyra fyrst um fiskvinnuna á Islandi frá samferðamönnum í
Evrópu og Ameríku. Þeir sem áhuga hafa geta farið til viðtals i skrifstofu
Sölumiðstöðvar hraðfrystihúsanna í London. Ráðningarvenjur þar eru mjög
óskipulegar og erlendir umsækjendur um þessi störf fá litlar raunverulegar
upplýsingar um kjör og aðstæður. Lögð var áhersla á að við værum ekki
samningsbundnar, en jafnframt var gert ráð fyrir að við dveldumst á Islandi
6—7 mánuði. Þær sem ganga að þessum skilmálum fá munnlegt loforð um
ókeypis farseðil aftur til London. Viðtalsmaðurinn ábyrgðist ákveðin lág-
markslaun fyrir 40 stunda vinnuviku ásamt ókeypis húsnæði.
Endanlega var gengið frá ráðningu að lokinni stuttri læknisskoðun. Um-
sækjendur sem voru í þessu viðtali með mér vissu ekki enn rétt fyrir brottför
hvort niðurstaða læknisskoðunar þeirra hefði verið jákvæð. Ein stúlka úr
hópnum komst að því á skrifstofu flugfélagsins að ekki hafði verið gefinn út
miði á hennar nafn. Enginn gat gefið neina skýringu á því hvers vegna hún
virtist ekki eiga að fara til íslands.
Oft er það svo að þeir sem eru að leggja af stað til Islands fá ekki að vita
endanlegan ákvörðunarstað fyrren nokkru eftir komuna til Keflavikur. Að vísu
er maður varaður við því í viðtalinu að gera sér of háar hugmyndir um aðbúnað
i verbúðum og á vinnustað. Það er hins vegar engin afsökun fyrir óhæfum
húsakynnum og afleitri hreinlætisaðstöðu á borð við þá sem er i verbúðinni okkar.
Nú eru meira en 30 konur og karlar sem búa hér og njóta sameiginlega
þeirrar lítilfjörlegu aðstöðu til snyrtingar og félagslegra samskipta sem húsið
hefur að bjóða. Eini hvíldarstaðurinn er eitt sjónvarpsherbergi sem gengið er um
180