Tímarit Máls og menningar - 01.07.1980, Side 34

Tímarit Máls og menningar
hvaða arvinnugreinum það starfaði, gefa sem gleggstar lýsingar á verbúðahús-
næði á félagssvæðinu og láta helst myndir fylgja með. Voru félögin síðan beðin
um að styðja starfsemi hópsins með fjárframlögum og þau félög sérstaklega til
þess hvött sem taka mikil atvinnugjöld af farandverkafólki.
Fátækleg voru þau viðbrögð sem hópurinn fékk við þessu bréfi. Verkalýðs-
félag Vestmannaeyja sendi greinargott yfirlit um afstöðu félagsmanna sinna til
málefna farandverkafólks og sendi jafnframt sundurgreindar upplýsingar um
fjölda þess á vorvertíðinni. Þrjú félög sendu lauslegar lýsingar á verbúðahúsnæði
og frá einu félagi fylgdu myndir. Eitt félag studdi hópinn með fjárframlögum að
upphæð 50.000 kr. Þá sendi hópurinn einnig bréf til allra heilbrigðisnefnda þar
sem farið var fram á upplýsingar um afskipti þeirra af verbúðahúsnæði á
starfssvæðum sínum fram til þessa og þau beðin að lýsa eftirliti sinu með því
húsnæði og senda sem ýtarlegastar upplýsingar um það. Orlítið jákvæðari voru
viðbrögðin hjá heilbrigðisnefndunum en hjá verkalýðsfélögunum, sérstaklega
eftir að Heilbrigðiseftirlit ríkisins hafði sent út bréf sama erindis.
Jákvæðustu viðbrögðin voru frá heilbrigðisnefndum eða heilbrigðisfulltrú-
um þar sem um ekkert verbúðahúsnæði er að ræða en upplýsingar frá heil-
brigðisnefndunum eru flestar mjög losaralegar og lítið á þeim að byggja. Það
sem mesta athygli vekur er þó hvað þessu eftirlitsfólki með heilbrigði og
hollustuháttum virðist mikið í mun að geta slæmrar umgengni farandverka-
fólksins. Frá einum stað á landsbyggðinni barst bréf sem endaði á eftirfar-
andi:
Heilbrigðisnefnd vill taka fram eftir að hafa komið á fyrrgreinda staði að aðstaða
og ástand er fullnægjandi og erfitt væri að gera kröfur um betri aðbúnað vegna
tillitsleysis og illrar umgengni sem oft á tíðum á sér stað.
Bréf þetta er undirritað af hjúkrunarfræðingi sem kom i farandmennsku á
þennan stað og fékk sem ríkisstarfsmaður einbýlishús endurgjaldslaust með öllu
til ibúðar.
Hópurinn hóf á eigin spýtur söfnun upplýsinga um verbúðahúsnæði og tók
einnig ljósmyndir og skoðaði nokkuð vel verbúðahúsnæði á Suðurnesjum.
Jafnframt hélt hópurinn í febrúar tvo fundi, annan í Grindavik og hinn í
Þorlákshöfn. Urðu vegna þeirra fundahalda nokkur blaðaskrif. Verður þeim
ekki lýst hér, en rót kom á málefni farandverkafólks á báðum þessum stöðum.
Þann 4. febrúar barst Þorláki Kristinssyni á skrifstofu hópsins eftirfarandi
bréf frá Verkamannasambandi íslands.
160