Tímarit Máls og menningar - 01.07.1980, Qupperneq 40

Tímarit Máls og menningar
upplýsingum varðandi hag farandverkafólks, því samfélagsleg staða þess er slík
að allt slíkt efni verður að vopnum í höndum hreyfingarinnar, hafi hún
mannafla og styrk til að vinna úr þeim og beita þeim á réttan hátt.
Við viljum svo hér i lok þessarar skýrslu drepa lítillega á verkefni hreyfing-
arinnar framundan, en þau eru mikilvægust að byggja upp baráttuhóp, eða
hópa, það öfluga að þeir geti staðið undir sjálfstæðu og vel skipulögðu starfi, því
endanlega mun nú sýnt að verkalýðshreyfingin mun ekki taka málefni farand-
verkafólks upp svo viðunandi sé. Mun þá unnið að þvi að safna sem flestum
félögum og stuðningsmönnum og reynt á þann hátt að skapa sem bestar
fjárhagslegar forsendur fyrir vel útfærðu^og skipulegu starfi fram yfir komandi
kjarasamninga og væntanlegt þing ASÍ næsta vetur. Hópurinn verður nú fyrst
og fremst að tryggja með öllum tiltækum ráðum að sem mestur þrýstingur náist
á kröfur farandverkafólks í samningunum svo að árangurinn verði viðunandi.
Eins verður að reyna að tryggja réttindi farandverkafólks innan ASÍ og ná fram
umræðum og skoðanaskiptum um þau efni. En afstaða hópsins er sú í þessum
efnum að afnema beri úr almennu verkalýðsfélögunum lögheimilisskylduna
sem forsendu aðildar að stéttarfélögunum og brjóta þar með upp það rangláta
lénsskipulag sem fram til þessa dags hefur ríkt í hreyfingunni.
166