Tímarit Máls og menningar - 01.02.1983, Síða 30

Tímarit Máls og menningar
» Öryggismálaumrœðan “ á íslandi
Það virðist vekja litla almenna athygli á Islandi þó að fulltrúar þjóðarinnar veigri
sér við að taka skelegga afstöðu gegn helstu hervæðingarfrömuðum heimsins á
fjölþjóðavettvangi. Það sem einkum veldur þessu áhugaleysi er kannski hið
mikla áróðursvald Morgunblaðsins í upplýsingamiðlun í landinu. Morgunblað-
ið hefur ætíð verið reiðubúið til að taka undir hörðustu hervæðingarstefnu
bandarískra stjórnvalda og oftast eru fréttir þess í anda kalda stríðsins þegar
vígbúnaðar- og öryggisleysismál ber á góma. Blaðið hefur ráðist heiftúðlega á
starfsmenn ríkisfjölmiðlanna ef þeir hafa sýnt tilburði til að ná umræðunni upp
úr þeim farvegi lágkúrunnar sem það hefur sjálft mótað. Jafnvel efasemdir í
bandaríska þinginu um ágæti herskárrar stefnu Reagans forseta eru gagnrýndar
frá hægri á ritstjórnarskrifstofum Morgunblaðsins.
Hægri öflin á íslandi hafa leitast við að koma í veg fyrir það að í landinu rísi
raunhæf friðarhreyfing eða önnur þau öfl sem gætu skapað andspyrnu gegn
fyrirætlunum bandaríska hersins um að hefja hér stórfelldar framkvæmdir til að
byggja upp betri aðstöðu fyrir stjórntæki kjarnorkuvopnaflota síns í N-Atlants-
hafi. Ef friðarhreyfingunum í Evrópu og N-Ameríku tekst að reka af höndum
sér skotpalla og kjarnorkueldflaugar og vígbúnaðarráðherrarnir færa kjarnorku-
vopn sín í auknum mæli út í hafið umhverfis okkur, þá vantar mikið á að hér sé
öflug hreyfing til sporna gegn því.
Utanríkisráðherra landsins, Olafi Jóhannessyni, hefur haldist uppi að svara
spurningum um vígbúnaðarmál í véfréttastíl, þegar aukið öryggisleysi íslensku
þjóðarinnar vegna framkvæmda bandaríska hersins ber á góma. Þá situr ráð-
herrann undir verndarvæng Morgunblaðsins. Það er til dæmis út í hött að segja
fólki að sprengiheld flugskýli á Keflavíkurflugvelli séu sprengiheld vegna
harðrar veðráttu á Reykjanesskaga. Sprengiheldu flugskýlin eru til að vernda
flugvélaflota bandaríska hersins gegn sprengjuárás andstæðinganna. Ef
kjarnorkuskeyti geigaði eða ef því væri beint að SOSUS hlerunarkerfinu eða
olíubirgðunum sem e.t.v. verða geymdar í Helguvík, þá vilja Bandaríkjamenn
eiga flugvélaflota sinn í skjóli til að koma honum síðan í slaginn. Ætli andstæð-
ingurinn sér að eyða flugvélunum, útheimta sprengiheldu flugskýlin að annað
hvort fleiri eða stærri kjarnorkusprengjum verði beitt.
Ólafur Jóhannesson gerir sér væntanlega grein fyrir að slíkt er ekki heppilegt
fyrir óbreytta borgara í þessu landi. Það er því ástæða til að spyrja: Hvernig
þjónar það öryggishagsmunum íslensku þjóðarinnar að flugvélaskýli banda-
ríkjahers á Keflavíkurflugvelli skuli vera sprengiheld?
ísland: peð í miðtaflinu ?
Hvaða hlutverki þjónum við íslendingar í þeirri örlagaskák, sem verður að enda
með patti ef mannkynið á ekki að eyða sjálfu sér?
20