Tímarit Máls og menningar - 01.02.1983, Side 54

Tímarit Máls og menningar
það sást minna á dökku yfirbragði Badda helduren Grjóna sem var
svo ljós og fölur.
Svo settust þeir bakvið spýtnadraslið sem ennþá lá í haug við
Gamla húsið og hafði orðið afgangs þegar það var byggt árið áður.
Tomma gamla fannst engin ástæða til að henda því eða farga enda gat
timbrið komið sér vel í vetrarhörkum þegar lítið var til af kolum á
heimilum hverfisins. Félagarnir földu sig þarna bakvið með nokkra
sígarettustubba sem Baddi hafði laumað á sig úr öskubökkum. Þeir
litu flóttalega í kringum sig þegar þeir heyrðu einhvern koma og
földu stubbana í lófunum en það var þá bara Danni bróðir að koma
heim úr skólanum. Þeir buðu honum reyk með hæðnislegri vinsemd
en hann hristi höfuðið áhyggjufullur og vissi mæta vel að reykingar
drykkja og fjárhættuspil vörðuðu beinu leiðina til glötunar. Takið
aldrei fyrsta staupið!
— Hann er ekki einsog litli bróðir minn, sagði Grjóni. — Diddi er
alltaf fullur, ekki einusinni orðinn tólf ára.
— Danni er ekki nema tíu, sagði Baddi.
— Danni er ekki eins mikill aumingi og Diddi.
— Það er ekkert að marka þó hann sé sterkur, hann er samt
aumingi ma—ur.
— Nau! Hjadna er mynd af Hreggviði kúluvarpara! sagði Grjóni
sem var að fletta Vísi.
★
Þarna var verið að næla medalíu í kappann þungbúinn svartskeggjað-
an og úfinn. Hann átti heima í bragganum við hliðiná Grjóna, var
tveir metrar á hæð og 150 kílóa þungur og lifði á örorkubótum. Einn
af sterkustu mönnum í heimi, gat loftað bílum. Hann lyfti stundum
bílum hjá listamannablokkinni þegar hann var í góðu skapi og búinn
að fá sér nokkra sopa, þá greip hann í stuðara og sneri einhverjum
bílnum þversum þannig að vonlaust var að hreyfa hann afturábak eða
áfram í stæðinu og raunar alveg óskiljanlegt hvernig bíllinn gat lent
svona. Kunnir leikritahöfundar og sviðsmyndasmiðir stóðu útá plani
og horfðu á undrið og að lokum var hálf sinfóníuhljómsveitin komin
til að jaga farartækinu aftur í mögulega akstursstefnu. Einu sinni
þegar Hreggviður reiddist inní bragganum sínum sló hann svo fast í
44