Tímarit Máls og menningar - 01.04.1989, Blaðsíða 10

Tímarit Máls og menningar
stærri voru varla til nema á Islandi. Þessi saga gæti verið fróðleg fyrir þá sem nú
þykjast geta fullyrt afdráttarlausast um friðsamlegt og skaðlaust eðli varaflug-
vallar.
Afleiðingin af herferðinni gegn Kanasjónvarpinu varð fyrst sú að ráðist var í
að stofna íslenskt sjónvarp, talsvert fyrr en annars hefði verið gert. Svo voru
sendingar Keflavíkursjónvarpsins takmarkaðar við völlinn og hafa ekki sést
síðan. Nú höfum við eignast dálítinn vísi að íslenskri sjónvarpsmenningu, þótt
þar standi enn margt til bóta, og íslenskt sjónvarpsefni mun að jafnaði vera það
vinsælasta sem sést í sjónvarpi. Varla get ég ímyndað mér að margir sakni nú
Keflavíkursjónvarpsins eða gætu hugsað sér að við létum herliðið sjá þjóðinni
fyrir sjónvarpi. Þó eru ekki nema 20 ár síðan fjölda fólks, kannski meirihluta
þjóðarinnar, fannst það rétt og sjálfsagt.
Getum við ekki fengið svona samstillt átak núna gegn þessum fáránlegu hug-
myndum um varaflugvöll Atlantshafsbandalagsins á íslandi? Er ekki kominn
tími til að við leggjum niður hjálendusjónarmiðið og öxlum þá ábyrgð að vera
sjálfstæð og sjálfbjarga þjóð í landi okkar? Ég vil að við notum varaflugvall-
aráformin sem tilefni til að hefja nýja samstillta sókn gegn aumingjaskapnum
sem hefur loðað allt of lengi við okkur. Sameinumst um að segja við félaga
okkar í Atlantshafsbandalaginu: Varaflugvöll, nei takk, þá flugvelli sem við
þurfum á íslandi leggjum við sjálf og ráðum hvar þeir eru lagðir.
(Erindi um daginn og veginn, 20. mars sl.)
136