Morgunblaðið - 25.04.2015, Qupperneq 6

6 FRÉTTIRInnlent
MORGUNBLAÐIÐ LAUGARDAGUR 25. APRÍL 2015
Óháð ráðgjöf
til fyrirtækja
Firma Consulting gerir fyrirtækjum
tilboð í eftirfarandi þjónustu:
• Kaup, sala og sameining.
• Verðmat fyrirtækja.
• Samningaviðræður, samningagerð
• Áætlanagerð.
• Fjárhagsleg endurskipulagning.
• Samningar við banka.
• Rekstrarráðgjöf.
Firma Consulting, Þingasel 10, 109 Reykjavík.
Símar: 820-8800 og 896-6665. Fax 557-7766
info@firmaconsulting.is, www.firmaconsulting.is
Benedikt Bóas
benedikt@mbl.is
Starfsgreinasambandið (SGS) hefur
samþykkt að hefja verkfallsaðgerðir
vegna kjaradeilu félagsins við Sam-
tök atvinnulífsins. Fyrirhugaðar að-
gerðir SGS hefjast eftir fimm daga,
verði ekki samið, en þá hefst alls-
herjarvinnustöðvun frá klukkan 12 á
hádegi til miðnættis sama dag.
Aðgerðirnar halda áfram 6. og 7.
maí þegar allsherjarvinnustöðvun
verður allan sólarhringinn og end-
urtekið 19. og 20. maí. Þann 26. maí
hefst síðan ótímabundin vinnustöðv-
un á miðnætti. Fyrirhugað verkfall
tekur til launafólks á almennum
vinnumarkaði utan höfuðborgar-
svæðisins og mun hafa gríðarleg
áhrif á íslenskt samfélag.
Hægist á innflæði bókana
Ferðaþjónusta á landsbyggðinni
verður fyrir töluverðri röskun vegna
verkfalls SGS en eins og lesa má hér
til hliðar þá fylgist nútímaferðamað-
urinn með ástandinu.
Ekki eru neinar reglur til um að
hótel eigi að láta ferðamenn vita,
sem eiga bókaða gistingu, ef viðkom-
andi hóteli er lokað vegna verkfalls.
Hins vegar eru það góðir viðskipta-
hættir að láta sína kúnna vita, segir
Helga Árnadóttir, framkvæmda-
stjóri Samtaka ferðaþjónustunnar.
„Ég finn að fólk fylgist vel með
ástandinu á Íslandi. Það er eitthvað
búið að hægja á innflæði bókana, það
segir manni að fólk er á tánum og
hinkrar örlítið. Fyrirtækin, í þessu
tilviki hótel, leitast við að upplýsa
viðskiptavini sína eins og hægt er á
hverjum tíma. En auðvitað vonumst
við til þess að það komi ekki til
vinnustöðvunar.“
Hún segir að ferðaþjónustan hafi
eðlilega miklar áhyggjur af stöðu
mála.
„Óöryggi og ótraust umhverfi
hjálpar ekki til og við finnum að fólk
er á hliðarlínunni að fylgjast náið
með, þannig að við höfum gríðarleg-
ar áhyggjur.“
Þá segir Helga að eins og staðan
er í dag vinni ferðaþjónustan út frá
því að ekki komi til vinnustöðvunar
og bjartsýni sé í þeirra herbúðum.
Ekki er þó mikil ástæða til bjart-
sýni því viðræður ganga hægt og
tónninn í viðræðunum er slæmur.
Hjá SA fengust þau svör að sam-
tökin vinni að því hörðum höndum að
leysa deiluna en kröfur SGS hljóði
upp á 50-70% almenna hækkun
launa og að hæstu laun hækki hlut-
fallslega mest.
„Á það getur SA ekki fallist enda
er ljóst að slíkar hækkanir myndu
ganga yfir allan vinnumarkaðinn
með þeim afleiðingum að verðbólga
og stýrivextir myndu hækka mikið
og þrýstingur verða á gengi krón-
unnar. Sviðsmyndagreining SA sýn-
ir að ef laun yrðu hækkuð um 30% í
þriggja ára samningi yrði uppsöfnuð
verðbólga 27% og stýrivextir á bilinu
12-14%. Við þær aðstæður myndi
gengi krónunnar falla umtalsvert,“
segir í svari SA við fyrirspurn Morg-
unblaðsins um gang viðræðnanna.
Störukeppni skilar engu
Finnbogi Sveinbjörnsson, formað-
ur Verkalýðsfélag Vestfirðinga, tek-
ur þó ekki undir þessi orð.
„SA halda þessu fram en þessa
rúmlega 100 þúsund króna hækkun
er hægt að teygja upp í 37,6% upp í
41,5% ef menn vilja fara í einhverja
prósentuleikfimi. En að tala um 50-
70% hækkun er helvíti gróft.
Þetta er búið að vera störukeppni í
vetur og hún gengur út á það að við
hittumst þegar aðilar eru boðaðir og
það hefur ekki verið skipst á neinum
jákvæðum skilaboðum.“
Finnbogi segir að SGS sé búið að
bjóða SA upp í dans til þriggja ára en
það er hinsvegar lítill vilji til að
dansa með. „Við höfum verið að
leggja þessar meginlínur niður síð-
ustu ár, að leiðrétta dagvinnutaxt-
ann um rúmar 100 þúsund krónur.
Gróflega reiknað eru það 33 þús-
und krónur á ári og ef fyrirtæki
treystir sér ekki til að borga slíkt þá
eiga þau að snúa sér að einhverju
öðru. Þau eru þá ekki rekstrarhæf
leyfi ég mér að fullyrða.“
Víðtæk áhrif á Vestfjörðum
Finnbogi segir að verði af verkfalli
muni það hafa mikil áhrif á Vestfirði,
félagsmenn í Verkalýðsfélagi Vest-
fjarða séu að vinna í grunnstoðum
samfélagsins.
„Verkfallið mun hafa vítæk áhrif
hér eins og annars staðar á landinu.
Þetta mun koma illa niður á fisk-
vinnslu og fiskeldi því stærstur hluti
okkar félagsmanna er að vinna hjá
þessum fyrirtækjum. Síðan eru fé-
lagsmenn okkar í öllum helstu
grunnstoðum, ræstingum, þjónustu-
og ferðaþjónustufyrirtækjum, bíla-
verkstæðum, byggingarfyrirtækjum
og svona gæti ég haldið áfram. Þetta
er sama saga hjá okkur og annars
staðar. Okkar fólk er í grunnstoðum
samfélagsins,“ segir Finnbogi.
Deilurnar í tvöföldum rembihnút
 Verkfall Starfsgreinasambandsins yfirvofandi  Tónninn í viðræðunum þungur  Ferðaþjónustan
áhyggjufull yfir stöðu mála  Félagsmenn SGS eru flestir að vinna í grunnstoðum samfélagsins
Morgunblaðið/Eggert
Ferðamenn Ferðaþjónustan er eðlilega með miklar áhyggjur af stöðu mála en þó að forvitnir ferðalangar hringi
mikið þá hefur ekki verið mikið um afbókanir. Yfir milljón ferðamenn komu hingað til lands í fyrra.
Finnbogi
Sveinbjörnsson
Helga
Árnadóttir
„Við höfum miklar áhyggjur af
komandi verkfalli. Íslandshótel
og Fosshótel eru 15 allt í allt og
um allt land. Auðvitað höfum við
miklar áhyggjur,“ segir Davíð
Torfi Ólafsson,
fram-
kvæmdastjóri
Fosshótela, um
komandi verk-
fall meðlima
Starfsgreina-
sambandsins.
Komi til verk-
falls segir Dav-
íð að starfsemi
hótelanna á
landsbyggðinni nánast lamist.
„Ef til verkfalla kemur þá lam-
ast stór hluti starfseminnar. Til
að byrja með eru það hótel á
landsbyggðinni sem lenda í því
en að sama skapi erum við að
byggja stærsta hótel landsins og
það á að opna það í byrjun júní.
Ef það verða verkföll hjá iðn-
aðarmönnum er ástandið skelfi-
legt því hótelið er nánast full-
bókað frá fyrsta degi.“
Davíð segir fyrirtækið ekki
hafa orðið vart við að ferðamenn
séu að afbóka sig vegna komandi
verkfalls en síminn hinsvegar
hringi meira frá áhyggjufullum
ferðamönnum.
„Sem betur fer hefur ekki ver-
ið mikið um afbókanir. Það er
mikið spurt, bæði einstaklingar
og ferðaskrifstofur en hingað til
hefur lítið verið afbókað.“
Davíð og hans fólk ætlar þó að
láta hendur standa fram úr erm-
um og reyna að láta verkfall hafa
sem minnst áhrif á gesti sína.
„Við munum reyna að láta hlut-
ina ganga upp eins og mögulegt
er en það er augljóst að stór hluti
starfsemi okkar lamast komi til
verkfalls,“ segir Davíð Torfi.
Lítið um
afbókanir
HÓTELKEÐJAN FOSSHÓTEL
Davíð Torfi
Ólafsson
Legómeistarinn Brynjar Karl Birgisson hlaut viður-
kenningu Einhverfusamtakanna við hátíðlega athöfn í
Smáralind í gær fyrir lególíkan af Titanic sem verður
þar til sýnis. Auk Brynjars hlaut Alexander Birgir
Björnsson viðurkenningu fyrir að hafa skipulagt tónleika
til styrktar samtökunum og félaginu Birtu. Með aðstoð
fjölskyldu sinnar, vina og ættingja fyllti hann Grinda-
víkurkirkju og safnaðist á aðra milljón króna. Þá hlaut
Greiningar- og ráðgjafarstöð ríkisins viðurkenningu en
hún sendi nýlega frá sér bókina Litróf einhverfunnar.
Legóskipið laðar marga að
Morgunblaðið/Kristinn