Árbók Hins íslenzka fornleifafélags - 01.01.2010, Blaðsíða 212

LILJA ÁRNADÓTTIR
DR. ELLEN MARIE MAGERØY
Minningarorð
Mikilvirk velgjörðakona íslenskrar lista- og
menningarsögu dr. Ellen Marie Magerøy
lést 11. desember 2009. Hún fæddist í
Osló 4. febrúar 1918. Foreldrar hennar
voru Johannes Hartvig Olsen og Ingeborg
Marie Gudbrandsen sem bæði féllu frá
þegar Ellen Marie var barn að aldri. Hún
gekk menntaveginn, tók stúdentspróf árið
1938 og að því loknu lá leiðin í Háskólann í
Osló þar sem hún stundaði nám í listasögu
og lauk meistarapróf i 1949 og f jallaði
verkefni hennar um hollensk innimálverk
frá 17. öld.
Það átti fyrir henni að liggja að stunda
rannsóknir í listasögu allt til æviloka jafnframt því sem hún var húsmóðir,
eiginkona, móðir og amma.
Ellen Marie giftist Hallvard Magerøy (1916-1994) norrænufræðingi
árið 1949. Hallvard var prófessor í íslensku við Oslóarháskóla. Áhuga sinn
og eldmóð helguðu þau hjón bæði íslenskum fræðum þótt í mismunandi
mynd væri. Hann á málvísindasviði meðan Ellen Marie vann stórvirki
í íslenskri listasögu með rannsóknum og skrifum um íslenskan útskurð.
Þau bjuggu á Íslandi árin 1949 til 1952 þegar hann kenndi norsku við
Háskóla Íslands. Til þess tíma má rekja áhuga og umhyggju Ellen Marie
fyrir íslenskum menningararfi. Kynni og vinskapur við Kristján Eldjárn