Valsblaðið - 01.05.2014, Síða 64

64 Valsblaðið 2014
Kristín Guðmundsdóttir hefur leikið stórt hlutverk í
meistaraflokki Vals á undanförnum árum og á ríkulegan
skerf í þeim fjölmörgu titlum sem Valsstelpurnar hafa unnið
til. Þó svo að margar úr sigurliðinu hafi ákveðið að hætta
í handbolta eða spila annars staðar þá ákvað Kristín að
halda áfram en jafnframt því að spila með liðinu þá er hún
samstarfsmaður Óskars Bjarna Óskarssonar við þjálfun liðsins.
Blaðamaður Valsblaðsins settist niður með Kristínu og ræddi
við hana um kynslóðaskiptin í liðinu og handboltaþjálfun
Eftir þær gríðarlegu breytingar sem
urðu á kvennaliði Vals frá því í vor þá
hafði ég engar væntingar um árangur í
haust en annað kom á daginn. Vals-
stelpurnar spiluðu miklu betur en ég
þorði að vona og stóðu sig miklu betur
í fyrstu leikjum haustsins. Hvernig
upplifir þú þessi kynslóðaskipti?
Það er gott að væntingarnar voru engar
hjá stuðningsmönnum liðsins. En fyrir
mig eru þetta spennandi tímar. Ég þurfti
hins vegar að breyta algjörlega um við-
horf til æfinganna. Síðustu 10 árin hef ég
komið á æfingu og fengið félagsskap,
handbolta og margt fleira á hverri æf-
ingu. Í stað þess að sækja hreyfinguna á
einn stað og félagsskapinn eitthvað ann-
að. Þetta skiptir miklu máli þegar maður
er kominn með fjölskyldu. Ástæðan fyrir
því að ég skipti í Val á sínum tíma var
einmitt sú að það skildi enginn almenni-
lega mína stöðu þegar ég var komin með
barn. Þegar maður er foreldri þá gerist
það stundum að maður þarf að sleppa
æfingu eða kemur of seint út af veiku
barni og þegar ég kom í Val þá var ég
komin í félagsskap stelpna í sömu stöðu.
Ég hafði áður fremur lítinn skilning á
þessu barnastússi þó að ég þættist skilja
hvað í því fælist.
Hvað með breyttan hóp?
Í vor þá sá maður fram á að það væru lík-
lega 5 stelpur að hætta með liðinu. Ég var
búin að ákveða að svo fremi sem tilteknir
leikmenn yrðu áfram þá yrði ég líka
áfram. En þegar til kom þá reyndust mun
fleiri leikmenn á förum en ég reiknaði
með. Ég var í raun ekki tilbúin til að
hætta þar sem ég var þá ekki að hætta á
eigin forsendum. Ég ætlaði ekki að fara
að mæta á æfingar og láta mér leiðast.
Ekki gat ég horft upp á Valsliðið leggjast
af. Ég er einfaldlega orðinn Valsari eftir
að hafa spilað hér í sjö eða átta ár. En
þegar ég vissi fyrir víst að Óskar Bjarni
yrði með liðið þá var ég sátt. Ég vildi
hjálpa félaginu mínu og vissi að það yrði
gaman að koma á æfingar hjá Óskari. Ég
vil hafa hér þjálfara sem hefur svipaðar
áherslur og ég sjálf. Ég þekki sjálfa mig
Eftir Sigurð Ásbjörnsson
Við erum í handbolta af
því að það er skemmtilegt
„Ég var í raun ekki tilbúin til að hætta þar sem ég
var þá ekki að hætta á eigin forsendum,“ segir
Kristín Guðmundsdóttir sem er spilandi aðstoðar­
þjálfari kvennaliðs Vals í handknattleik í vetur.