Valsblaðið - 01.05.2014, Blaðsíða 74

74 Valsblaðið 2014
Margrét Magnúsdóttir útskrifaðist með
íþróttafræði frá Háskólanum í Reykjavík
árið 2013. Hún ólst upp í Árbænum og
spilaði með Fylki þangað til í 3. flokki.
Þá skipti hún yfir í Val og lék með 3.
flokki, 2. og meistaraflokki kvenna
þangað til árið 2010 en þá lagði hún
skóna á hilluna og einbeitti sér að þjálf-
un. Árið 2006 hóf hún þjálfaraferilinn og
hefur verið með 5. flokk síðan og hefur
einnig þjálfað 6., 4. og 3. fl. kvenna. Hún
er í sambúð með Birki Erni Gylfasyni og
eiga þau einn strák, Bjarma Rafn sem
fæddist síðastliðið sumar. Þetta tímabilið
þjálfar hún 5. flokk kvenna með Birki
Erni og sér um yfirþjálfarastöðuna
kvenna megin. Af þeim sökum lagði
Vals blaðið nokkrar spurningar fyrir hana
um starfið og áherslur.
„Mínar megináherslur í þjálfun eru
þær að ég vil búa til umhverfi þar sem
iðkendur fá verkefni sem hæfir þeirra
getu, þeim líði vel og geti tekið framför-
um. Mér finnst einnig mjög mikilvægt að
huga að því að byggja upp sterka ein-
staklinga og tel ég íþróttaiðkun mjög
góða leið til þess að kenna iðkendum
gildi sem nýtast þeim í lífinu sjálfu. Ég
hef alltaf lagt mikla áherslu á það að
leikmenn komi vel fram við hvern annan
og hugi að félagslega þættinum.“
„Ég myndi segja að helstu kostir Vals
séu gríðarlega stór og mikil saga félags-
ins, það eru forréttindi fyrir börn að fá að
alast upp á Hlíðarenda. Með félaginu
hefur skapast hefð sem ég tel að geti nýst
iðkendum mjög vel. Félagið hefur alið af
sér marga afreksíþróttamenn og þjálfara
sem eru góðar fyrirmyndir fyrir iðkendur
og þjálfara félagsins.“
Áskoranir í Val: „Það er nauðsynlegt
fyrir okkur sem komum að starfinu að
viðhalda þeim gildum sem ríkja í Val og
vera gagnrýnin á þau verkefni sem leysa
þarf af hendi. Við þurfum líka að vera til-
búin að leggja meiri vinnu á okkur og
gera enn betur en gert hefur verið. Helstu
áskoranir sem viðkoma yngri flokkum í
knattspyrnu er að fjölga iðkendum en
forsenda fyrir því er að bjóða upp á sam-
keppnishæfa aðstöðu.“
Framtíðarsýn fyrir yngri flokka Vals:
„Ég er alveg viss um það að framtíðin er
björt fyrir yngri flokka Vals. Það er bráð-
nauðsynlegt að við hlúum vel að starfinu
til þess að það verði betra og geti tekið
næsta skref. Það er hins vegar á hreinu
að ef við ætlum að halda sömu gæðum
og gera betur en gert hefur verið þá má
ekki slaka á, félagið verður alltaf að
bjóða upp á bestu mögulegu aðstæður og
þjálfun. Það er nokkuð ljóst að Vals-
hverfið er ekki jafn stórt og mörg önnur
hverfi, við getum því ekki keppt við þau
hvað fjölda iðkenda varðar en við ættum
alltaf að bjóða okkar iðkendum upp á
bestu aðstæður sem völ er á. Félagið
verður að geta tekið við þeim iðkendum
sem vilja æfa hjá félaginu og því er mjög
mikilvægt að bæta aðstæður þá sérstak-
lega fyrir knattspyrnuiðkun. Með þeim
áformum sem liggja fyrir á Valssvæðinu
í nánustu framtíð er ég bjartsýn fyrir
framtíð félagsins, við eigum alltaf að
halda okkar gæðum og bæta í hvað það
varðar en þegar betri aðstæður verða að
veruleika er hægt að fara í frekari að-
gerðir til að fjölga iðkendum enn frekar.“
Skilaboð til foreldra og iðkenda:
Mig langar til þess að hvetja foreldra til
þess að vera virkir í starfinu með börn-
unum sínum, sýna því áhuga og taka
þátt. Ég vill einnig hvetja iðkendur til
þess að leggja hart að sér og hafa trú á
sjálfum sér. Hafa skýra sýn á hvað þau
vilja fá úr sinni íþróttaiðkun og hvaða
leiðir hægt er að fara. Ég myndi líka ráð-
leggja iðkendum að nýta alla þá þekk-
ingu sem býr í félaginu og vera ófeimin
að leita ráða og aðstoðar.
Barna­ og unglingaráð tók saman.
Yfirþjálfari
Félagið verður
alltaf að bjóða upp
á bestu mögulegu
aðstæður og þjálfun
Margrét Magnúsdóttir er yfirþjálfari í knattspyrnu stúlknamegin
„Mig langar til þess að hvetja foreldra til að
vera virkir í starfinu með börnunum sínum.“