Valsblaðið - 01.05.2014, Page 113

Valsblaðið 2014 113
Minningar
Helgi Daníelsson
fæddur 16. apríl 1933
dáinn 1. maí 2014
Kveðja frá Knattspyrnufélaginu Val
Látinn er á Akranesi Helgi Daníels-
son fyrrverandi leikmaður Vals og ÍA og
landsliðsmarkvörður í knattspyrnu, 81
árs að aldri. Helgi gekk til liðs við Val
árið 1951, þá 18 ára að aldri. Fyrstu leik-
ir Helga fyrir Val voru í keppnisferð sem
félagið fór í til Noregs og Danmerkur en
í framhaldi af þeirri ferð fluttist Helgi til
Reykjavíkur og lagði samtímis knatt-
spyrnuiðkun stund á prentiðn hjá Ísa-
foldar prentsmiðju.
Í kjölfar á endurbótum á gamla íþrótta-
húsinu á Hlíðarenda 2010 sem Helgi var
fenginn til að opna formlega sem og við
heimsókn hans og konu hans á 100 ára
afmæli Vals árið 2011 lýsti Helgi þeirri
aðstöðu og þeim verkefnum sem hann
starfaði við á þeim tíma sem hann lék
með Val á árunum 1951–1955. Á þess-
um árum vann Helgi m.a. við skurðgröft
og framræsingu fyrir nýjan völl og hann
sat í stjórn fyrir Val, var í ritnefnd Vals-
blaðsins og þjálfaði yngri flokka félags-
ins, m.a. annan af fyrstu gulldrengjum
Vals. Á þessum tíma bjó Helgi í þrjú ár
ásamt konu sinni og tveimur sonum í ris-
inu á gamla íbúðarhúsinu á Hlíðarenda.
Íbúðin var á þessum tíma án salernisað-
stöðu sem var í fjósinu við hliðina. Frum-
stæðar aðstæður a.m.k. miðað við það sem
við teljum ásættanlegar í dag voru unn-
ar upp með góðum félagsskap og vináttu
en á þessum árum eignaðist Helgi marga
af sínum bestu vinum fyrir lífstíð. Val-
ur hefur alltaf skipað vissan sess í hjarta
Helga sem m.a. sýndi sig þegar Helgi Val-
ur sonur hans var skýrður í höfuðið á Val.
Á móti hefur Helgi verið mikils metinn af
félagsmönnum í Val sem góður og traust-
ur félagi og alltaf talinn til eins úr okk-
ar hópi þó svo að ÍA hafi lengstum verið
hans félag.
Á þessum tímamótum þökkum við
Helga Daníelssyni fyrir samfylgdina og
tryggð hans við félagið en einnig fyrir
starf hans að eflingu og útbreiðslu á knatt-
spyrnu í landinu. Ég vil fyrir hönd Knatt-
spyrnufélagsins Vals senda aðstandendum
hans samúðarkveðjur.
Hörður Gunnarsson
Fyrrverandi formaður
Knattspyrnufélagsins Vals
Sigurður
Haraldsson
fæddur 30. mars 1948
dáinn 5. júní 2014
Vinátta okkar Sigurðar Haraldssonar nær
til ársins 1954 er við vorum saman í Ísaks-
skóla. Við bjuggum báðir á Miklubraut-
inni og nutum þess að að leika knatt-
spyrnu ýmist á Klambratúninu sem nú
heitir Miklatún eða á Valsvellinum á Hlíð-
arenda. Sigurður var mjög efnilegur knatt-
spyrnumaður sem hætti alltof snemma
að leika knattspyrnu með Val. Í leik í 5.
flokki skoraði hann hátt í 10 mörk í fyrri
hálfleik. Þjálfara andstæðinganna fannst
nóg komið og hætti leik. Á veturna lékum
við körfuknattleik með KFR. Þar var vinur
okkar Þórir Magnússon fremstur í flokki.
Skólaganga okkar var samofin. Við
fylgdumst að í Austurbæjaskóla, Gagn-
fræðiskóla Austurbæjar, Menntaskóla
Reykjavíkur og í viðskiptafræði Háskóla
Íslands þar sem við sátum saman í stjórn
félags viðskiptafræðinema. Sem slík-
ir sóttum við ráðstefnur til hinna Norður-
landanna og höfðum gaman af.
Eins og verða vill að þá skildu leiðir
þegar við vorum komnir á kaf í atvinnu-
rekstur. Sem betur fer komum við saman á
ný fyrir nokkrum árum og endurnýjuðum
vinskapinn. Valsmenn votta Jónu og fjöl-
skyldu innilegar samúðarkveðjur. Minn-
ingin um góðan dreng gleymist aldrei.
Bjarni Bjarnason
Geir Guðmundsson
fæddur 28. júní 1921
dáinn 23. nóvember. 2014
Valsmenn kveðja góðan félaga og minn-
ast hans með þakklæti. Geir Guðmunds-
son var afreksmaður í íþróttum og marg
innis Íslandsmeistari með sínu félagi í
knattspyrnu og handknattleik þar á meðal
meistari í fyrsta Íslandsmótinu sem haldið
var í handknattleik árið 1940. Geir var svo
sannarlega einn af máttarstólpum félags-
ins, flinkur leikmaður og seinna meir
mjög hæfur þjálfari og stjórnarmaður. Geir
gaf sér alltaf tíma og átti alltaf uppbyggi-
legt að segja við unga leikmenn, hann var
hvetjandi og um leið alltaf agaður. Mað-
ur bar ómælda virðingu fyrir þessum eldri
afreksmönnum félagsins sem höfðu svo
stórt Valshjarta og voru ávallt vakandi og
sofandi yfir velferð félagsins. Geir starfaði
lengst af í miðborginni og það var ávallt
gaman að hitta hann í erli dagsins. Þakk-
læti er mér efst í huga um leið og ég sendi
innilegar samúðarkveðjur til fjölskyldu og
vina.
f.h. fulltrúaráðs Vals
Halldór Einarsson