Valsblaðið - 01.05.2014, Side 52
52 Valsblaðið 2014
Eftir undirbúningsvinnu og
fjáraflanir í heilt ár héldu 18
drengir úr 8. til 11. flokki Vals
ásamt þjálfara sínum David
Patchell þann 11. til 20. júlí
til Boston í Bandaríkjunum
í körfuboltabúðir. Búðirnar
nefnas. „The Red Auerbach
Basketball School“. Alls tóku
150 drengir þátt í búðunum
að þessu sinni, þar af 21 frá
Íslandi, 1 frá Ísrael, 1 frá
Póllandi og svo alls staðar að
úr Bandaríkjunum. Víkingur
Goði Sigurðsson tók saman
stutta frásögn af þessu
ævintýri Valsstrákanna
Þetta var alveg frábær ferð í alla staði
sem við munum seint gleyma. Fyrsti
dagurinn fór mest í flug og að koma okk-
ur fyrir á gistiheimili sem við gistum á
fyrstu tvær næturnar. Annan daginn fór-
um við svo í ferðalag til Springfield þar
sem var farið í Basketball Hall of Fame
sem er safn um NBA og NCAA körfu-
boltann. Við höfðum mjög gaman að því
og fengum meðal annars eiginhandarárit-
un frá Bill Cartwright þreföldum NBA
meistara með Chicago Bulls. Um kvöld-
ið fengum við að versla smá og skoða
Boston.
Næsta dag byrjuðu æfingabúðirnar svo
með þriggja klukkustunda stanslausu
spili. Búðirnar voru haldnar í Nichols
College háskólanum, þar spiluðum við í
tveimur stórum íþróttasölum á þessum
sex dögum. Við gistum á heimavist skól-
ans sem var mjög þægileg með sér bað-
hergi og sturtu fyrir hvert herbergi, þetta
var frábær aðstæða. Dagarnir í búðunum
voru langir en mjög skemmtilegir, við
vorum vaktir með látum klukkan 7 og
morgunmaturinn var frá hálf 8 til 8. Við
byrjuðum á góðri upphitun og svo var
spilað til klukkan 12. Þá fengum við há-
degismat til klukkan 13, og eftir hádegið
var spilað alveg til klukkan 5 þar sem við
borðuðum kvöldmat til klukkan 6. Eftir
kvöldmat var aftur spilað til klukkan 10.
Á hverjum degi var fyrirlestur frá
þjálfara í búðunum, við lærðum mikið
frá þeim bæði um körfubolta og lífið.
Fyrsta daginn var okkur deilt upp í 10
manna lið með hinum strákunum í búð-
unum, þessi lið spiluðu svo saman alla
vikuna. Á lokadegnum var síðan úrslita-
keppni um hvaða lið „vann“ búðirnar,
við höfðum mjög gaman af þessu fyrir-
komulagi og var mikill keppnisandi í
okkur.
Seinasti dagurinn í búðunum endaði
um hádegi föstudaginn 18. júlí og þá fór-
um við aftur til Boston og gistum á sama
gistiheimili og í byrjun ferðar, um kvöld-
ið fórum við út að borða á The Cheese-
cake Factory. Við vöknuðum snemma
um morguninn daginn eftir og fórum í
verslunarleiðangur í Wrentham Premium
Outlets áður en flogið var heim um
kvöldið. Í búðunum var mikið verslað og
áttu sumir erfitt með að loka töskunum
þegar við komum á flugvöllinn. Ferðinni
lauk snemma á sunnudagsmorgni 20. júlí
þar sem við komum heim glaðir og
dauðþreyttir eftir frábæra ferð í alla staði.
Víkingur Goði Sigurðsson
Ferðasaga
Við lærðum mikið um
körfubolta og lífið