Valsblaðið - 01.05.2014, Blaðsíða 101

Valsblaðið 2014 101
Starfið er margt
þessa stráka sýna annan eins karakter og
þeir gerðu í þessum leik. Um miðjan síð-
ari hálfleik voru þeir undir 12-16 en gáf-
ust aldrei upp og uppskáru sigur á feikna
sterku sænsku liði. Frábær varnarleikur
var lykillinn að þessum sigri.
Sæti í undanúrslitum tryggt
Með sigrinum á IFK Kristianstad var
sæti í fjögurra liða úrslitum tryggt og ár-
angurinn betri en flestir höfðu þorað að
vona. En ævintýrinu var alls ekki lokið
þarna. Næsta lið sem lenti í klónum á
spræku Valsliðinu var Norbrö. Eins og
aðrir leikir var þessi leikur spennandi
fram á síðustu mínútu þrátt fyrir að í lok-
in hafi munað 3 mörkum en eftir hat-
ramma baráttu lauk leiknum með sigri
okkar manna 19-16 og við blasti sjálfur
úrslitaleikurinn daginn eftir. Þetta kvöld
gekk sumum erfiðlega að sofna og var
það ekki bara vegna þess að spila átti
mikilvægan leik daginn eftir heldur líka
vegna ágangs sænskra stelpna sem feng-
ið höfðu veður að frábæru gengi strák-
anna frá Íslandi.
Gott silfur er gulli betra
Úrslitaleikurinn var spilaður í Valhalla
og stutt að fara fyrir okkar menn. Mót-
herjarnir voru IFK Tumba, sænskir piltar
sem höfðu á að skipta flottum leikmönn-
um, ekki síður en við. Eftir að þjóð-
söngvar höfðu verið leiknir var leikurinn
flautaður á. Allt stefndi í hörku leik og
okkar menn voru til alls líklegir í fyrri
hálfleik en jafnt var á öllum tölum mest-
an part hálfleiksins. Þegar flautað var til
leikhlés var staðan 10-9 fyrir Tumba. Í
síðari hálfleik misstu okkar menn damp-
inn og hleyptu Tumba of langt frá sér og
svo fór að munurinn varð of mikill til
þess að hægt væri að vinna hann upp.
Leikurinn endaði með sigri Tumba 19-
13. Annað sæti á þessu móti var þegar
upp er staðið frábær árangur þar sem
mótið var gríðarsterkt.
Þátttöku á þessu frábæra móti var lok-
ið og við tók ferðin heim til Íslands þar
sem drengjanna beið í Keflavík hópur
foreldra með rósir fyrir þessar hetjur sem
staðið höfðu sig frábærlega. Strax var
talað um að nauðsynlegt væri að fara aft-
ur út að ári og sækja bikarinn sem IFK
Tumba hafið hrifsað til sín og stefnan nú
sett á Norden Cup milli jóla og nýjárs
2014.
Höf. Óskar Bjarni Óskarsson
og Jón Óskar Sverrisson