Valsblaðið - 01.05.2014, Side 81

Valsblaðið 2014 81
„Þetta ár hafði reynt mikið á mig að
mörgu leyti og ég var alveg tilbúinn að
hvíla mig á meistaraflokksþjálfun. Óli
var að koma heim og taka við karlaliðinu
hér og í mínum huga langaði mig auð-
vitað að hjálpa til þar, en mest langaði
mig að koma að þjálfun yngri flokka. Ég
tók að mér nokkra flokka ásamt því að
aðstoða Stefán með kvennaliðið. Núna er
þetta orðið þannig að ég er viðriðinn
báða meistaraflokkana, sem er virkilega
krefjandi og skemmtilegt, en ég sakna
þess samt að vera með yngri flokk.“
Að lokum lá beinast við að spyrja
hvernig Óskar sér nútíðina og framtíðina
hjá sjálfum sér og Val:
„Ég held stundum að menn gleymi því
hversu æðislegt er að vera á Hlíðarenda.
Ég hef aldrei haft miklar áhyggjur af Val,
allt þetta frábæra fólk sem er hérna og
hvernig greinarnar vinna saman. Menn
gleyma sér stundum í að kvarta yfir alls
kyns hlutum í stað þess að muna hvað
það er margt sem við gerum vel. Þjálfar-
ar vinna mjög náið saman og mér finnst
dásamlegt að eyða tímanum hérna. Það
eru margir hér heima sem vilja sjá Óskar
í öðru félagi en Val og margir hafa reynt,
en Valur hefur gert mikið fyrir mig þann-
ig að það þarf mikið að gerast til að ég
fari frá félaginu. Í lífinu vill maður
standa sig eins vel og hægt er í öllum
hlutverkum; ég er þjálfari, eiginmaður og
foreldri. Það er sem betur fer þannig að
mér finnst ég ná að sameina þessi hlut-
verk vel hér á Hlíðarenda – fjölskyldan
tekur þátt í þessu af lífi og sál og ég gæti
aldrei gert þetta án Örnu. Það verður að
viðurkennast að það lendir mikið á
henni. Hún er hins vegar keppnismann-
eskja, var í íþróttum og skilur þetta, mér
finnst gaman hvað hún lifir sig mikið inn
í þetta.
Mikilvægast að eiga jákvæðar
minningar
Hvað varðar framtíðarsýn félagsins þá
ætti ég kannski að vera með sterkari
skoðanir á því. Mér finnst ég hins vegar
sterkastur í því að vera með krökkunum,
vera á gólfinu og rækta einstaklinga. Ég
hef fengið að upplifa stórkostlegar stund-
ir í gegnum íþróttirnar og félagið. Mér
finnst mikilvægt að við séum að hafa
áhrif á þá einstaklinga sem æfa hjá okkur
og að þau eignist jákvæðar og góðar
minningar frá tíma sínum hér.“
Óskari finnst mikilvægt að sinna vel
þjálfun yngri flokka og hann hefur jöfnum
höndum þjálfað yngri flokka og meistara­
flokka karla og kvenna í handbolta.
„Ég held stundum að menn gleymi því
hversu æðislegt er að vera á Hlíðarenda.“