Valsblaðið - 01.05.2014, Blaðsíða 104
104 Valsblaðið 2014
Starfið er margt
Sumarbúðir í borg er íþrótta -og leikj-
anámskeiði hjá Knattspyrnufélaginu
Val þar sem meginmarkmiðið er að
efla og auka skyn- og hreyfiþroska
barna, veita fjölbreytt íþróttauppeldi
án áherslu á keppni eða of mikla kröfu
um árangur eða sérhæfingu á ákveðn-
um sviðum. Við viljum byggja upp hjá
börnunum heilbrigðar og hollar lífs-
venjur og koma til móts við börn sem
þurfa og vilja leika sér og foreldra sem
vilja að börn þeirra fái alhliða þjálfun
í öruggu umhverfi.
Síðastliðið sumar voru börnin á aldrin-
um 6–11 ára og farið var í grunn flestra
íþróttagreina í leikjaformi ásamt því að
farið var í ýmsa leiki og ferðir (svo sem
hjólaferðir og ratleiki, heimsóknir í
Landsbjörgunarsveitina og Slökkviliðið,
við fengum heimsókn frá Lögreglunni
ásamt því að skapa almenn ævintýri í
ævintýragarðinum eins og við kölluðum
hann (Öskjuhlíð). Eins fórum við í sund-
ferðir í Laugardalslaug, fórum í Fjöl-
skyldu- og Húsdýragarðinn, í Nauthóls-
víkina Hljómskálagarðinn, kíktum á
listasafn við Tjörnina og svo lengi mætti
telja. Stefnan var oftast tekin á að vera
úti, enda er nánast hægt að fara í grunn
allra íþróttagreina úti ef ímyndunaraflið
er notað óspart, fyrir utan alla leikina
sem hægt er að stunda úti. Þá daga sem
stormviðvaranir voru yfirgnæfandi héld-
um við meðal annars bíódag, þar sem
breytt var fundarsal í bíósal og svo var
sett upp þrautabraut og inni-ratleikur var
búinn til.
Aðalþjálfari íþrótta -og leikjanám-
skeiðisins var Sigríður Ósk Fanndal,
Íþróttafræðingur B.Sc og hún hefur
mikla reynslu við umsjón íþróttaskóla
fyrir börn á aldrinum 2–5 og 6–12 ára og
hefur auk þess þjálfað almenning og af-
reksmenn í ýmsum íþróttagreinum síðan
2003. Með henni voru Guðmundur
Hólmar Helgason handboltasnillingur og
María Björnsdóttir körfuboltasení ásamt
því að valdir voru einstaklega hæfir og
flottir iðkendur innan Vals til að hjálpa
til við þjálfun og leiki.
Sigríður Ósk Fanndal stjórn
andi Sumarbúða í borg.
Fjölbreytt íþróttauppeldi og
leikir í Sumarbúðum í borg