Gerðir kirkjuþings - 1991, Blaðsíða 18

1991
22. Kirkjuþing
1. mál
SKÝRSLA BISKUPS OG KIRKJURÁÐS
Flutt af kirkjuráði
Frsm. herra Ólafur Skúlason, biskup
Frá síðasta kirkjuþingi hefur kirkjuráð haldið 8 fundi. Var einn þeirra, hinn 26.
ágúst sá fyrsti, sem haldinn hefur verið á Austurlandi. Og var sérstaklega ánægjulegt
að funda í hinni nýju og glæsilegu Kirkjumiðstöð að Eiðum, en hún var vígð við
hátíðlega og ijölmenna athöfn 25. ágúst s.l. Vil ég leyfa mér að óska söfnuðum og
prestum hinna tveggja prófastsdæma Austurlands innilega til hamingju með þessa
frábæru miðstöð, sem nú hefur verið reist fyrir mót, ráðstefnur og fundi.
Framkvæmdastjóri hinnar nýju kirkjumiðstöðvar verður séra Þórhallur Heimisson, sem
gegnir stöðu fræðslufulltrúa á Austurlandi.
Annar fundur kirkjuráðs utan biskupsstofu var í Skálholti, en eins og endranær
varði kirkjuráð miklum tíma í að ræða málefni staðarins, kirkju og skóla (sjá síðar).
Þá hefur einnig borist boð frá Akureyrarsöfnuði um að funda í hinu nýja og
stórglæsilega safnaðarheimili þar og er fullur hugur á því að þiggja það boð. Er það
hagur kirkjuráðs að kynnast sem best viðfangsefnum kirkjunnar á hverjum stað. Og
þannig var heimamönnum og stjóm Kirkjumiðstöðvar Austurlands boðið að sitja hluta
af fundi kirkjuráðs í ágúst. Auðveldar þetta líka heimamönnum að koma skoðunum
sínum á framfæri. í því sambandi er ekki óeðlilegt, að einhver aðili hafi eftirlitsskyldu
vegna þeirra íjárveitinga, sem renna til margvíslegra kirkjulegra framkvæmda og
kirkjuráð ber ábyrgð á. Kæmi til greina að fela eftirlitsmanni kirkjugarða slíka
viðbótarskyldu, en hann ferðast um allt land vegna starfa sinna.
Tveir nýir kirkjuráðsmenn vom kjömir á síðasta kirkjuþingi og hafa þeir tekið
virkan þátt í störfum og sett sig vel inn í mál, sem þeir sem fyrir vom, hafa haft
töluverða reynslu af. Er mikils virði að góður samstarfsvilji ríki á fundum kirkjuráðs,
og þakka ég ráðsmönnum öllum sem og starfsmönnum ráðsins gott samstarf og vel
unnin störf.
15