Gerðir kirkjuþings - 1991, Qupperneq 27

varðar fullorðinsfræðslu og þjónustuþáttinn - díakoníu kirkjunnar - í samræmi við
ákvarðanir 21. kirkjuþings.
Saga kirkjuþings og kirkiuráðs.
Kirkjuþing fagnar því að nú skuli unnið að ritun sögu kirkjuráðs og kirkjuþings.
Skálholt.
Nefndin fjallaði um málið og leggur fram sérstaka tillögu til þingsályktunar á sérstöku
þingskjali sem fylgir álitinu.
Sálmar 1991.
Kirkjuþing fagnar útkomu sálma 1991 og samþykkir að skipuð verði sálmanefnd sem
fylgi eftir því starfi sem hér hefur verið unnið og móti stefnu um áframhaldandi
sálmastarf kirkjunnar. I þessu sambandi er rétt að benda þeim sem nefndina skipa á
að huga að eðlilegri endumýjun.
Safnaðaruppbvgging.
Þingið fagnar starfi safnaðaruppbyggingamefndar og verkefnisstjóra og hvetur kirkjuráð
og söfnuði landsins til að hlúa enn betur að þessu máli.
Kirkjuþing vill í því samhengi benda á hve sóknarskipanin er sterkur þáttur í
uppbyggingu alls safnaðarstarfs á landinu. Þingið telur að safnaðaruppbygging nái ekki
tilætluðum árangri virði prestar ekki sóknarskipanina betur en nú er. Kirkjuþing hvetur
því biskup til þess að leita úrbóta í þessu efni.
Starfsmannahandbók.
Kirkjuþing þakkar vel unnið verk við gerð starfsmannahandbókar og hvetur til
áframhaldandi vinnu við að ljúka því fyrir næsta kirkjuþing.
Kirkjuþing telur nauðsynlegt að huga betur að uppröðun ýmissa efnisþátta, til dæmis
að skipa prestastefnu og leikmannastefnu undir hð I. 4.1, Biskup íslands.
Kristnitökuafmæli.
Kirkjuþing ályktar að starfandi undirbúningsnefnd kristnitökuhátíðar sem skipuð var að
frumkvæði kirkjuþings skili af sér og felur kirkjuráði að skipa nýja nefnd er vinni í anda
fyrri samþykkta kirkjuþings frá 1986 og 1987 og skili skýrslu til næsta kirkjuþings.
Kirkjuþing fagnar því að unnið er ötullega að hinni nýju Biblíuþýðingu og þakkar
Hermanni Þorsteinssyni ómetanlegt starf í þágu Hins íslenska Biblíufélags og kirkjunnar
allrar.
Eyðublöð fvrir umsóknir úr Jöfnunarsióði sókna.
Varðandi umsóknir úr Jöfnunarsjóði sókna vísast til álits fjárhagsnefndar um málið.
Kirkiueignanefnd,
Kirkjuþing fagnar yfirlýsingu kirkjumálaráðherra um skipun nefndar er starfi í samræmi
við álit kirkjueignanefndar.
24