Ritið : tímarit Hugvísindastofnunar - 01.05.2011, Blaðsíða 27

27
GEST BER AÐ GARÐI
Leit eg standa lilju netta
líka rós hjá henni spretta,
rúðu, stör og reyrinn létta
renna upp annars vegar.
Svo linna tregar.
Skein þá prýðin rósar rétta
reyrstönginni fegurr öld.
Allir dagar eiga kvöld.
Loks að jöfnu það og þetta
þrykktu vetrar hríðir.
Allir dagar eiga kvöld um síðir.
Matthías Jochumsson yrkir einnig undir þessum hætti, t.d. í kvæðinu „Gaman
og alvara. Til H. Hafstein“.18 Rímið er aabccb. Fyrsta erindið er svona:
Ertu’ að hugsa? ertu’ að skrifa
undir það þú ferð að lifa?
ertu’ að melta andans sáld,
bundinn jötun-ástar armi
áður en hefir lífs frá barmi
arnsúg þinn sem Óðinn skáld?
Fleiri kvæði eftir Matthías eru með þessum brag, t.d. „Arnljótur Ólafsson“.
Matthías orti einnig gamankvæðið „Sigurður málari reið á Þingvöll“. Þar er
hvert erindi átta vísuorð og rímið aaabbacc. Fyrsta erindið er svona (og eins
og sjá má eru hér sóttar línur í áður tilvitnað kvæði Eggerts Ólafssonar).19
Sigurður alþing á nam ríða,
eirði lítt úr stað að bíða,
hafði fáka heldur þíða.
heita annar Grani má, –
fagurt galaði fuglinn sá. –
Pegasus með vængi víða
vera annar mundi. –
Listamaðurinn lengi sér þar undi.
18 Ljóðmæli eftir Matthías Jochumsson, Reykjavík: Útgefandi Magnús Matthíasson, 1936,
bls. 512-513.
19 Sama heimild, bls. 630-631.