Glóðafeykir - 01.11.1972, Blaðsíða 7

GLÓÐAFEYKIR
7
Einnig hefur K. S. nýtekið í notkun kornmyllu til mölunar á maís
og byggi. Kaupfélagið hefur á hendi um 80—90% af allri fóðurvöru-
sölu í héraðinu. Fóðurvörurnar eru ágóðaskyldar.
Fasteignir.
Fasteignir félagsins eru um 35 að tölu, og sumar mjög verðmætar.
Þessar eignir eru bókfærðar á kr. 85,8 milljónir, samkv. nýja fast-
eignamatinu. Yélar, tæki, bílar o. þ. h. er bókfært á kr. 18 milljónir.
Sauðfjárslá trun.
Kaupfélag Skagfirðinga slátraði á síðasta hausti á þrennir stöðum,
Sauðárkróki, Hofsósi og Haganesvík. Alls var slátrað 43. 395 kindum,
og var heildar kjötinnlegg um 650 tonn. Að auki var slátrað um 500
nautgripum og 280 hrossum og folöldum. F.ndanlegt verð á kinda-
kjöti til innleggjenda var kr. 2,13 pr. kg umfram verðlagsgrund-
vallarverð, eftir hækkun grundvallarverðsins frá 1. marz 1971.
Sláturhús.
Gert er ráð fyrir, að K. S. hefji á þessu ári byggingu á nýju slátur-
húsi, er hafi möguleika á slátrun á 3.000 kindum á dag, auk 40 naut-
gripa. Að auki verður ráðizt í verulega stækkun á frystirúsi félagsins.
Gert er ráð fyrir, að nýja sláturhúsið taki til starfa haustið 1973.
Höf uðstöðvar fyrir K. S.
Starfsemi félagsins hefur verið rekin í nokkuð dreifðum einingum
og hefur því verið sótt fast á, að reyna að sameina sem flestar rekstrar-
einingar, og í því sambandi er beðið eftir afgreiðslu bæjarstjórnar
Sauðárkróksbæjar á umsókn K. S. um 8.000—10.000 m2 lóð norðan
Mjólkursamlags, við Skagfirðingabraut. I því húsnæði er þar yrði
reist, er gert ráð fyrir að sameina sem flestar verzlanir félagsins, og
að auki flytja skrifstofurnar í þetta nýja hús. Þessi bygging er mjög
aðkallandi fyrir kaupfélagið, þar sem félagið er með mjög óhægan
rekstur í mörgum sínum húsum, og skrifstofur félagsins búa við
alls ófullnægjandi aðstöðu.
Það er einlæg ósk og von forráðamanna K. S., að bæjarstjórn Sauð-
árkróksbæjar úthluti umræddri lóð til félagsins nú innan skamms,
svo hægt verði að hefjast handa.