Skagfirðingabók - 01.01.1993, Blaðsíða 47

KENNARINN A KRÓKNUM
mörgum þeirra þó ekki verði öll talin upp en aðeins minnst á
tvö þeirra til.
Stefán Björnsson bar fram hugmynd um stofnun Sjúkrasam-
lags Sauðárkróks á ungmennafélagsfundi 1909 og voru þeir
Jón kosnir í nefnd til að hyggja að framkvæmdum. Sjúkrasam-
lagið var ofvaxið ungmennafélaginu einu sér og komst það
ekki á laggirnar fyrr en 1913. Asamt Birni Jósepssyni lækni
átti Jón skólastjóri hvað drýgstan þátt í stofnun þess og vann
áfram að uppgangi samlagsins sem stjórnarnefndarmaður
fyrstu árin, m.a. með skrifum í blöð.
Aienn og málleysingjar
Dýraverndunarfélagið var stofnað 17. júní 1918, sumarið eftir
fimbulveturinn mikla sem kom ekki síður harkalega niður á
skepnum en mönnum. Jón tók að sér formennsku þess fyrst í
stað þó hann hefði nóg á sinni könnu: „Guð gefi mér gæfu til
að vinna eitthvað verulegt gagn fyrir þennan félagsskap ... þó
fullásett sé nú mjög með starfskrafta mína.“
Fyrsta baráttumál félagsins var að bæta aðstöðu og meðferð á
hrossum ferðamanna í kaupstaðnum. A veturna voru vandræði
að fá viðunandi skýli yfir hross aðkomumanna sem stóðu við
næturlangt og hafði Jón oft tekið að sér að hýsa þau. Haustið
1918 samdi sýslunefnd við hann um leigu á peningshúsi hans
undir „hesthús til almenningsnota" og sá Jón sjálfur um hross-
in.
Þó Jón væri ekki mikill hestamaður á skagfirska vísu átti
hann jafnan tvo til þrjá reiðhesta og eignaðist fljótt eftir að
hann kom á Krókinn fjölhæfan gæðing, Fálka. Þessi grái vekr-
ingur var þá fulltaminn foli og kostaði 400 krónur, hálf árslaun
skólastjórans og þótti vel þess virði. Jón hélt mikið upp á
Fálka sinn sem var fjörmikill fram í háa elli og fóru víða sam-
an, maður og hestur.
43
L