Tímarit UNIFEM - 01.01.2004, Síða 21

Diljá Mist Einarsdóttir
Hvað hefur þú verið félagi í UNIFEM lengi?
Í rúm þrjú ár
Hvað gerir þú?
Ég er á 3. ári í Verzlunarskóla Íslands
Hver eru áhugamál þín?
Ég á mjög margvísleg áhugamál, allt frá leiklist að forvörnum, en ég hef líka mjög mikinn áhuga á málefnum kvenna.
Af hverju ákvaðstu að gerast félagi?
Ég skráði mig í félagið eftir frábæran fyrirlestur hjá Waris Dirie sem hafði mikil áhrif á mig. Ég hafði heyrt örlítið um
félagið og fannst mikið til þess koma.
Hvaða þróunarmál eru þér hugleikin?
UNIFEM stuðlar að menntun kvenna alls staðar í heiminum og það finnst mér mjög mikilvægt. Mér þykir líka bráð-
nauðsynlegt að leggja áherslu á að senda almenningi þau skilaboð að hvers kyns ofbeldi gegn konum sé óásættanlegt og
verði alls ekki liðið. Þótt ótrúlegt sé virðast ekki allir hafa þetta á hreinu.
Hvaða þýðingu hefur UNIFEM í þínum huga?
UNIFEM er frumkvöðull í jafnréttismálum. Félagið hefur áunnið sér virðingu og er nú eitt besta dæmið sem fyrirfinnst
um það hve gríðarlega miklu konur geta áorkað í sameiningu. Félagið er í mínum huga sameiningartákn kvenna.
Er UNIFEM að standa sig?
Það er einfaldlega ekki hægt að segja annað, félagið teygir arma sína til allra heimsálfa þar sem fjöldamargir einstaklingar
vinna óeigingjarnt starf í þágu jafnréttismála.
Ef þú ættir eina ósk handa konum heimsins, hver yrði hún?
Ég myndi óska þess að konur í öllum heimshornum myndu í auknum mæli sameina krafta sína og nota þá til þess að
veita bágstöddum konum hjálp. Samstaða er í raun lykilorðið.
Finnst þér vera jafnrétti á Íslandi?
Ég tel að jafnrétti geti aldrei orðið algjört, en það er greinilegt hérlendis að baráttan fyrir því er að sækja í sig veðrið. Við
verðum t.d. meira vör við umfjöllun um jafnréttismál, þ.e. fólk leitar réttar síns í auknum mæli. Það tel ég vera mjög
jákvætt.
Hvað má betur fara í jafnréttismálum hér á landi
Ég held að e.t.v. þurfi fólk að hugsa sig örlítið betur um áður en það sannfærist um að á því hafi verið brotið á grundvelli
kynferðis. Það færist í aukana að fólk noti jafnréttishugtakið sé því misboðið á einhvern hátt, t.d. á vinnumarkaðnum.
Slík mál, komi þau upp, draga að vissu leyti úr trúverðugleika hennar.
Hvað hefur þú verið félagi í UNIFEM lengi?
Ég hef verið félagi í UNIFEM síðan 2002.
Hvað starfar þú við?
Ég er nýtskrifaður stjórnmálafræðingur og vinn hjá Ríkisútvarpinu.
Hver eru áhugamál þín?
Þau eru mörg, þjóðfélagsumræðan, stjórnmál og síðast en ekki síst staða kvenna.
Af hverju ákvaðstu að gerast félagi?
Af því mér fannst (og finnst ennþá) UNIFEM vinna gott starf og vildi leggja mitt af mörkum.
Hvaða þróunarmál eru þér hugleikin? Hver finnast þér mikilvægustu málefnin?
Ekkert eitt málefni er ofar öðru, heldur eru málefnin mörg sem þarf að taka á. Þar á meðal er réttarstaða
kvenna í þriðja heims ríkjum.
Hvaða þýðingu hefur UNIFEM í þínum huga?
Að ríkjum er umhugað um stöðu kvenna víðsvegar um heiminn.
Er UNIFEM að standa sig?
Það held ég.
Ef þú ættir eina ósk handa konum heimsins, hver yrði hún?
Að allar konur hefðu aðgengi að hreinu vatni og mat. Ef ég gæti teygt þessa ósk myndi ég líka vilja að allar
konur hefðu aðgengi að menntun og gætu síðan nýtt sér hana í þjóðfélagi þar sem hæfnin skipti máli en ekki
kynið.
Finnst þér vera jafnrétti á Íslandi?
Já í grófum dráttum, en betur má ef duga skal. Við konur þurfum að standa saman og styðja hver aðra í
jafnréttisbaráttunni.
Hvað má betur fara í jafnréttismálum hér á landi?
Ég held að allir stjórnmálaflokkar þurfi að tileinka sér hugmyndafræði varðandi jafnréttismál. Þessi málaflokkur
má ekki verða eins konar bannorð því jafnrétti kynjanna kemur öllum til góða.
Erla Tryggvadóttir
20