Tímarit UNIFEM - 01.01.2004, Page 79

Marghliða þróunaraðstoð fer um hendur alþjóðlegra stofnana, t.d. sér-
stofnana Sameinuðu þjóðanna og alþjóðafjármálastofnana.
Tvíhliða þróunaraðstoð fer frá einu ríki til annars. Á Íslandi er tvíhliða
aðstoð í höndum Þróunarsamvinnustofnunar, ÞSSÍ.
Markmið Sameinuðu þjóðanna frá árinu 1970 um framlög iðnríkjanna
til þróunaraðstoðar kveður á um að iðnríkin stefni á að 0,7% af vergri
landsframleiðslu renni til þróunaraðstoðar.
Á árunum milli 1960 og 1970 hafði þróunaraðstoð iðnríkjanna lækkað
úr 0,52% í 0,34% af landsframleiðslu.
Á tímabilinu 1970-1993 stóð hlutfall sameiginlegrar aðstoðar af lands-
framleiðslu iðnríkjanna í stað og var 0,35% árið 1993.
Framlag Íslands til þróunaraðstoðar var 0,16% árið 2003. Tillaga skýrsl-
unnar Ísland og þróunarlöndin gerir ráð fyrir að framlög til þróunar-
aðstoðar verði 0,3% árið 2006.
Einungis fimm ríki höfðu árið 2000 náð markmiðum Sameinuðu þjóð-
anna: Svíþjóð, Holland, Noregur, Danmörk og Lúxemborg.
Þáttaskil urðu á ráðstefnu Sameinuðu þjóðanna árið 2002 um fjár-
mögnun þróunar. Þá lýstu leiðtogar heims yfir stuðningi við markmið
Sameinuðu þjóðanna frá 1970.
Á næstu þremur árum munu Bandaríkin auka framlög sín til þróunar-
aðstoðar um 50%, úr 10 milljörðum dala árlega í 15 milljarða.
Aðildarríki Evrópusambandsins hafa samþykkt að á árinu 2006 verði
heildarframlag þeirra komið í 0,39% af landsframleiðslu, samanborið
við 0,32% árið 2000.
Sá hluti friðargæslu sem felst í borgaralegri aðstoð er skilgreindur sem
þróunaraðstoð.
Á undanförnum árum hafa um 20-25% opinberrar norskrar þróunarað-
stoðar farið um hendur frjálsra félagasamtaka. Í Danmörku var hlut-
fallið 8% og 12% í Svíþjóð.
Talið er að á árunum 1999 og 2000 hafi frjáls félagasamtök á Íslandi
lagt til um 300 m.kr. hvort ár til þróunaraðstoðar, að meðtaldri neyðar-
hjálp, og nær 320 m.kr. árið 2001.
UNIFEM á Íslandi fagnar aukinni umræðu um stefnumótun
og markmið opinberrar þróunaraðstoðar og hefur í því
sambandi bent sérstaklega á mikilvægi jafnréttismála
og bætt hlutskipti kvenna við uppbyggingu sjálfbærrar
þróunar.
Skilgreiningar og staðreyndir
Ljósmyndir: efst Birna Þórarínsdóttir/Malaví. Miðja Davíð Logi Sigurðsson/Írak. Neðst Erla Halldórsdóttir/Úganda.