Þjóðmál - 01.12.2011, Page 60

Þjóðmál VETUR 2011 59
stjórnsýslunnar til að starfa . Íslendingar eru
eins og aðrar þjóðir nokkuð berskjaldaðir
fyrir tölvuárásum . Bankarnir hafa helst
verið í fararbroddi í tölvuvörnum og ágætis
sérfræðiþekkingu má einnig finna annars
staðar . En m .a . vegna fámennis, fjárskorts
og lítillar áherslu á þessi mál eru varnir hér á
landi ekki eins góðar og þær þyrftu að vera .
Þó ber að taka með í reikninginn að bestu
varnirnar eru oft þær sem ekki eru öllum
augljósar og heildarmynd af tölvuvarnagetu
á landinu er ekki aðgengileg . Í litlu landi
eins og Íslandi væri vissulega hagkvæmt
fyrir stóra aðila að fara í samstarf í
tölvuvörnum . Fyrir íslenska ríkið mun
það líklega verða nauðsynlegt að vinna
með einkageiranum . En verkefni, eins og
þau sem að ofan er lýst hjá NATO, gætu
vissulega nýst aðildarþjóð eins og Íslandi
og mætti þá hugsa sér að Íslendingar nytu
til góðs góðs af sérþekk ingu og fræðslu
sem stendur til boða .
Fyrir liggur frumvarp til laga um breyt-
ingar á lögum um fjarskipti nr . 81/2003
ásamt því að vinna stendur yfir er snýr að
stofnsetningu svokallaðs CERT-teymis (e .
Computer Emergency Response Team) . Þetta
eru vissulega skref í rétta átt en alls ekki
fullnægjandi . Eins og bent hefur verið á hér
að ofan þarf að efla vitund um mála flokkinn
til muna og fara að huga að tölvuöryggi á
miklu skipulagðari og ein beittari hátt .
___________________________________________
Í Morgunblaðinu í dag getur að líta merkilega frétt . Már Guðmundsson, pólitískasti seðla-
bankastjóri Íslandssögunnar, mætti á opinn fund
efnahags- og viðskiptanefndar Alþingis og hélt þar
stutta tölu um stýrivexti . Hans hagfræði 101 um
stýrivexti hljómaði eitthvað í þessa veru:
Stýrivextir hafa ekki áhrif á fjárfestingarstig
á Íslandi, einu landa, því stjórna aðrir þættir
og hafa þeir ekkert með peningastefnu (eða
opinbera verðlagningu „vitringa“ á fjármagni)
að gera . Þetta er auðvitað alveg ný sýn á áhrif
stýrivaxta sem yfirleitt eru taldir tæki til að stýra
neyslu og fjárfestingu . Og sérstaklega í lokuðu
peningaumhverfi eins og á Íslandi . En auðvitað gat
pólitíski seðlabankastjórinn ekki skilið við þessa
umræðu án þess að finna hvað það væri sem hefði
áhrif á fjárfestingarstigið (sem ekki yrði rakið til
ríkisstjórnarinnar):
Samkvæmt fréttinni kennir seðlabankastjóri
Samfylkingarinnar um löskuðum efnahags reikn-
ingum fyrirtækja, ótryggu rekstrarum hverfi og
erfiðari fjármögnun vegna efnahagsástands ins á
erlendum mörkuðum .
Ekki skal því neitað að þessir þættir kunna að
hafa einhver áhrif, en laskaðir efnahags reikningar
fyrirtækja eru íslenskt vandamál og fjarri því algilt,
og efnahagsástandið á erlendum mörkuðum hefur
verið að versna síðustu mánuði en ekki verið
viðvarandi . En hvernig gat þessi Seðlabankastjóri
sleppt því að tiltaka heimatilbúnu vandamálin:
sjávarútvegurinn hefur verið í herkví ríkis-•
stjórnarinnar og fjárfestir ekki;
erlendir fjárfestar hafa engan áhuga á ótryggu •
pólitísku umhverfi;
stanslausar skattabreytingar gera alla útreikninga •
um arðsemi marklausa;
gjaldeyrishöftin afbaka allar fjárfestinga ákvarð-•
anir og fæla fjárfesta frá;
ríkisstjórnin er á móti allri erlendri fjárfestingu •
hverju nafni sem nefnist;
ríkisstjórnin er á móti öllum virkjana fram-•
kvæmdum ef þeim gæti fylgt erlend fjárfesting .
Ísland er nú flokkað með bananalýðveldum þegar
kemur að pólitískum stöðugleika .
Seðlabankastjóri sleppti að sjálfsögðu þessum
skýringum því hann er meiri strengjabrúða
Jóhönnu og Steingríms J . en jafnvel sá norski sem
Stoltenberg „reddaði“ tímabundið .
Bloggsíða Skafta Harðarsonar
á eyjan .is, 29 . nóvember 2011 .
Már seðlabankastjóri kennir nýja hagfræði