Þjóðmál - 01.03.2013, Síða 9

8 Þjóðmál voR 2013
kerfið . Hún skilur Íbúðalánasjóð eftir á
hausnum og hún hefur svikið öll fyrirheit í
þágu heimilanna í landinu .
Þegar rætt var um stjórnarsamstarfið og
árangur þess við Steingrím J . Sigfússon í
einhverjum þætti á dögunum sagði hann
að ríkisstjórninni hefði tekist 95% sem hún
ætlaði sér og hann hreykir sér mest af hækkun
skatta . Eftir kosningar kemur í ljós að staða
ríkissjóðs er mun verri en af er látið .
Stjórnarherrarnir hafa gefið innistæðulaus
loforð út og suður síðustu mánuði .
Vafalaust munu margir telja að í þeim
felist skuldbindingar í nafni ríkissjóðs . Hafi
málin ekki hlotið afgreiðslu í samræmi við
lög um fjárreiður ríkisins er ekki um annað
en kosningaloforð úr ráðherrastólum að
ræða . Katrín Jakobsdóttir leggur meira að
segja fram frumvarp um lánasjóð íslenskra
námsmanna og aukin útgjöld í hans nafni án
þess að fjármálaráðuneytið sé haft nægilega
með í ráðum .
Versta óþurftarverk ríkisstjórnarinnar
er aðförin að Stjórnarráði Íslands . Þar
hefur verið unnið skemmdarverk og er
hneyksli að stjórnarandstaðan hafi ekki
stöðvað framgang málsins á alþingi . Þá er
undrunarefni að starfsmenn stjórnarráðsins
hafi látið þessi ósköp yfir sig ganga án þess að
æmta eða skræmta á opinberum vettvangi .
Skýringin er hið pólitíska ofríki sem fylgdi
valdaþyrstum vinstri-ráðherrum .
Skýrasta birtingarmynd skemmdar verks-
ins á stjórnarráðinu er að sum ráðuneyti eru
orðin alltof stór fyrir einn ráðherra . Krafan
um pólitíska ábyrgð verður beinlínis hlægileg
gagnvart þeim sem axla hana í þessum
risaráðuneytum . Ábyrgðin verður ekki
flutt á her pólitískra aðstoðarmanna . Þeir
starfa í skjóli ráðherrans eins og allir aðrir í
ráðuneyti hans . Enginn hefur hrópað hærra
á þingi um nauðsyn pólitískrar ábyrgðar en
Jóhanna Sigurðardóttir . Það er eftir öðru að
hún standi fyrir þessari aðför að henni .
Með því að setja velferðarráðuneytið á
stofn kunna að verða einhver samlegðaráhrif
á einhverjum sviðum en að láta einn ráðherra
bera ábyrgð á helmingi allra útgjalda ríkisins
er fráleitt . Þetta er sérstaklega ámælisvert
þegar til embættisins velst maður sem fer
ekki að leikreglum við ráðstöfun opinbers
fjár eins og gerðist þegar Guðbjartur
Hannesson ákvað einhliða að stórhækka
laun forstjóra landspítalans .
Guðbjartur kveður landspítalann í u pp-
námi . Honum hefur tekist að eyðileggja
starfs anda innan sjúkrahússins, eitra sam -
skipti fólks og spilla áhuga þess á að starfa
fyrir stofn unina . Þetta var ekki ásetn ingur
ráð herr ans heldur afleiðing þess að hann
hefur misst sjónar á meginskyldu sinni: að
fara að lögum . Að slíkt virðingarleysi ríki í
æðstu stjórn ráðuneytis þar sem helm ingur
ríkis út gjalda er til ráðstöfunar sýnir hve
mikil áhætta er tekin með því að fela einum
manni svo mikið pólitískt vald .
Lokakafli stefnuyfirlýsingar ríkisstjórnar
Jóhönnu Sigurðardóttur ber fyrirsögnina:
Stjórnkerfisumbætur . Þar segir meðal
annars að forsætisráðuneytið ætli að setja á
fót fastan samstarfsvettvang stjórnvalda við
aðila vinnumarkaðarins og önnur lykilhags-
munasamtök um þróun íslensks samfélags .
Framkvæmd þessa ákvæðis hefur verið
á þann veg að Jóhanna Sigurðardóttir for-
sætis ráðherra lætur helst ekki neinn ná sam-
bandi við sig . Hafi hún neyðst til að hitta
fulltrúa aðila vinnumarkaðarins eða annarra
lykilhagsmunasamtaka rýkur hún upp á nef
sér eða sýnir fundarmönnum hug sinn með
því að láta varla svo lítið að heilsa þeim .
Meðal umbóta í stjórnsýslunni, sem nefnd-
ar eru í stefnuyfirlýsingunni, eru áform um
að endurskoða varnarmálastofnun . Ætlunin
var að utanríkisráðuneyti og innanríkis ráðu-
neyti leystu mál sín á milli eftir að síðara
ráðu neytið kæmi til sögunnar . Það hefur ekki
verið gert og varnarmálastofnun er stjórn-