Félagsbréf - 01.12.1959, Blaðsíða 30
28
FÉLAGSBRÉF
Við erum klaufar, sagði karl, en fjórir hestar koma við hjartað í okkur.
Hvernig dettur þér í hug að koma hingað með fjóra hesta? Eins og við séum
hjartalausir? Hefur einhver borið í þig lognar sögur? Á Látrum eru allir
frískir, alltaf, allan ársins hring.
Þetta eru meiri húsin, sagði Andrés, ég vildi það væri svona vel hýst
hjá mér.
Við kunnum ekkert, sagði karl, en hér eru allir frískir. Þess vegna eru
hér falleg hús.
Andrés sá að fjós og fjárhús voru ný, en bæjarhúsið, sem þó var nýlegt,
virtist eldra. Það var byggt úr timbri. Litlu austar stóð elzta húsið, skemma
með hvítmáluðum stafni úr plægðum viði, og á honum fimm selskinn, hag-
anlega spýtt. Þar fyrir austan var timburliús lítið með stórum dvrum og
stórum glugga, en rétt við reis grind í nýju húsi, allstóru. Vestan við bæjar-
húsið var fjós og hlaða úr steinsteypu og enn vestar nýtl fjárhús.
Mér þykir staðarlegt hér, sagði Andrés, og þið ekki-örsnauðir.
Við kunnum að verka selskinn, sagði strákur, súr á svip.
Og heyja og hugsa um búpening, sagði karl. litlu betri.
Ég hef stríðalið þá, sagði Andrés og leit til hesta sinna, ég er að
láta þá hlaupa af sér spikið.
Nú brostu feðgarnir.
En ekki komast húsin upp með því einu að verka selskitin og heyja,
sagði Andrés, eitthvað virðist þið kunna til smíða.
Feðgarnir hlógu.
Enn held ég þessu eina auga, sagði karl, hvernig heldurðu að standi á því ?
Og ekki fækkar fingrunum á mér, sagði strákur og glennti sundur ní'i
fingur og stúf, og gettu nú hvernig á því stendur?
Þeir hlógu svo að bergmálaði í fjöllunum, veltust um í ofsahlátri og
urðu loks að halla sér upp að húsinu til stuðnings, svo máttlausir urðu þeit'.
Þegar þeir máttu mæla á ný, benti karl upp í 'hlíð og sagði:
Og ekki skortir rafmagnið. Stærsta rafstöðin í sveitinni er hjá okkur.
Sjáðu stokkinn þarna ofan úr hlíð og niður í gil. Þegar dimmt er logar
allur bærinn í rafmagni. Það er furðulegt og til þess þarf ærinn hagleik,
held ég.
Fátt er okkur til lista lagt í handbragði, sagði strákur, en ég reiknaði nt
vatnsmagn og fallhæð og gildleika hólksins, yfirfall og stíflustyrkleika,
og allt stóðst.