Orð og tunga - 01.06.2011, Blaðsíða 9

Formáli ritstjóra
í þessu hefti birtast greinar um efni sem flutt var á málþingi helguðu
Asgeiri Blöndal Magnússyni orðabókarstjóra og síðar forstöðumanns
Orðabókar Háskólans. Málþingið, sem haldið var í Þjóðarbókhlöðu
7. nóvember 2009, bar yfirskriftina Orð aforði en 2. nóvember það ár
voru 100 ár liðin frá fæðingu Asgeirs.
A málþinginu voru alls fluttir níu fyrirlestrar og birtast átta þeirra
hér í formi greina sem hafa verið yfirfarnar af höfundum og ritrýndar
af tveimur ritrýnum samkvæmt venju tímaritsins. Það var aðstand-
endum þingsins sérstök ánægja að geta með tilstyrk Letterstedtska
sjóðsins í Svíþjóð boðið tveimur erlendum fyrirlesurum að halda fyr-
irlestra á þinginu, þeim Arne Torp, prófessor við Háskólann í Osló,
og Bente Holmberg, lektor og forstöðumanni Norrænu rannsóknar-
stofnunarinnar við Kaupmannahafnarháskóla. Málþingið fékk einnig
stuðning frá JPV forlaginu sem er nú útgefandi íslenskrar orðsifjabókar
Asgeirs Blöndals.
Auk þemagreinanna eru birtar stuttar umsagnir um nýlegar bækur
á sviði orðfræði og nafnfræði en að þessu sinni var ekki rúm fyrir að-
sendar greinar.
Allur undirbúningur undir prentun Orðs og tungu fór fram á Stofn-
un Arna Magnússonar í íslenskum fræðum og var það verk sem fyrr
í höndum Bessa Aðalsteinssonar. Björg Vilhjálmsdóttir, grafískur
hönnuður, vann kápuna á heftið.
Sú brey ting var gerð á útgáfu tímarita Stofnunar Arna Magnússonar
í íslenskum fræðum á síðasta ári að ritnefndir voru lagðar niður og
bera ritstjórar einir alla ábyrgð á hverju hefti. Ég hef nú ritstýrt ellefu
árgöngum Orðs og tungu og tel að mál sé að hætta. Ásta Svavarsdóttir
rannsóknardósent tekur við af mér frá og með næsta hefti.
Guðrún Kvaran