Skagfirðingabók - 01.01.2010, Síða 98

98
SKAGFIRÐINGABÓK
ist fram að því að Vötnin lagði, en ís­
rek hamlaði strax og fór að frjósa. Rek­
netaveiði byrjuðum við ekki að stunda
að ráði fyrr en vorið 1940, en þá var
pabbi búinn að smíða nýjan pramma
og koma upp rekneti. Með þessum
tækjum veiddum við oft mikið og
fórum þá allir þrír bræðurnir langt
fram í Vötn, jafnvel fram á miðj a
Borg arey og létum svo reka niður að
Hólm a eða létum reka niður Bein­
garðsstokk og niður undir Ástagl.
Þetta voru oft svaðilfarir og ekki allar
ferðir til fjár. Strax og ísa leysti var
hægt að láta reka, meira að segja í
svartasta skammdeginu. Þannig hef
ég veitt silung í Héraðsvötnum í öll­
um mánuðum ársins.
Vorflóð í Héraðsvötnum
Eftir að Vötnin ruddu sig var oft lítið
í þeim meðan svalt var í veðri. En strax
og hlýnaði óx í þeim, einkum eftir
mikinn snjóavetur. Mesta flóð sem ég
varð vitni að var vorið 1934, sem var
mjög hlýtt eftir mikinn snjóavetur. Þá
flæddi yfir allt Eylendið nema hæstu
gíga á bökkunum og Eylendið var allt
eins og fjörður yfir að líta. Mýrarnar
voru á kafi og varð að forða öllum
skepnum úr þeim. Brúin niður mýr­
arn ar fór illa, því þessi tvö eða þrjú
ræsi sem á henni voru, þar sem voru
keldur og kílar, höfðu ekki undan að
flytja allan þennan vatnsflaum. Þetta
flóð stóð að mig minnir í heila viku og
þegar það sjatnaði var þykkt lag af
leðju langt upp í mýrar og sandskaflar
á Vatnabökkunum. Þetta mikla flóð
var orsök þeirrar miklu gras sprett u
sem þá var um allar mýrarnar og öll
engi, en heyskapur gekk illa vegna
óþurrka um sumarið. Allmikið flóð
varð svo líka 1936 og aftur 1939, þeg­
ar mikil hlýindi gerði í júní og hélst
reyndar allt sumarið. Það skipti miklu
máli fyrir grasvöxt að ná vorflóði inn á
þess ar flæðiengjar. Í því augnamiði
voru grafnir skurðir í bakkann á
suðurenda [Land]hólmans til að fylla
hann. Og á haustin þurfti að hlaða vel
fyrir útrennslisskurðinn í norðurenda
hans til að safna á hann vetrarflóði.
Tækist svo að ná inn á hann vorflóði
líka, þá brást ekki spretta.
Breytingatímar
Vorið 1935 breyttist margt á Hamri.
Um miðjan maí fluttist Siggi frændi
alfarinn þaðan með allt sitt og settist
að hjá systkinunum, Magnúsi og Sig­
ur björgu í Utanverðunesi. Einhverra
hluta vegna samdi þeim ekki pabba
og frænda og varð að ráði að hann seldi
Helgi afi (Helgi Pétursson). Einkaeign.