Skagfirðingabók - 01.01.2010, Qupperneq 147

147
HUGLEIÐINGAR UM STAÐFRÆÐI ÞÓRÐAR SÖGU HREÐU
landamerki Miðhúsa og Grafar og ætti
þessi klettur þá að heita Syðstiklettur,
skv. örnefnalýsingum. Þriðji klettur-
inn er um 140 m sunnan við Syðsta-
klett, en hann er lítilfjörlegur og
brekka niður í Grófina báðum megin
við hann. Skammt sunnan við hann er
í Grófinni melhryggur, um 40 m
lang ur, sem heitir Snorrabæli. Þar á að
vera heygður einhver Snorri og skipi
hvolft yfir hann.13 Um Háaklett má
segja, að þar sé hin mesta mannhætta
ofan að fara.
Næst er að svipast um eftir Svið­
gríms hólum. Austan við Grófina er
hólasvæði neðst í Stafshólsöxlinni mill i
Miðhúsa og Stafshóls. Þessir melar eru
að mestu í Tumabrekkulandi, en ná
einnig inn í land Grafar. Stærsti mel-
urinn heitir Hastur og er í ungum
söguþætti kenndur við Þóri hast land-
námsmann í Gröf, sem á að vera
heygður þar.14 Hastur er neðan við
veginn, sem liggur yfir öxlina frá
Miðhúsum að Stafshóli í Deildardal.
Kringum hann eru nokkrir melkollar,
flestir nafnlausir, nema Efri-Grófar-
melur sem er við landamerki Grafar,
við Grófina. Væntanlega er Neðri-
Grófarmelur þar fyrir neðan. Nyrst á
Hasti er toppmyndaður hóll með
vörðu efst, sem stendur hjá stórum
Hólasvæðið norðan í Stafshólsöxlinni, Hastur fyrir miðju, Grófin í forgrunni.
Ljósm.: Sigurjón Páll Ísaksson, 2008.
13 Snorrabæli er nú stundum kallað Skipið, að sögn Jóhannesar Sigmundssonar. Spurning er hvort
í örnefninu Snorrabæli lifi vísbending um forna dys á þessum slóðum. Snorri getur merkt „hinn
ófriðsami“. Snorrabælið virðist vera hrein náttúrusmíð.
14 Þóris þáttur hasts og Bárðar birtu (1947:357), þar segir: „Sumir segja hann liggja í hól þeim,
er við hann er kenndur og kallaður er Hastur, en nú Hestur.“ Þátturinn er talinn eftir Jón Þor-
láks son (1644–1712), son Þorláks Skúlasonar Hólabiskups, en Gröf var á 17. öld í eigu þeirrar
fjölskyldu. E.t.v. hefur Jón byggt þáttinn á gömlum munnmælum eða þjóðsögum frá Gröf.