Skagfirðingabók - 01.01.2010, Síða 167

167
SKÍN VIÐ SÓLU SKAGAFJÖRÐUR
Kvennaskólahúsið við Austurvöll (síð­
ar nefnt Sjálfstæðishús) fyrir Þóru og
Pál Melsteð 1878. Það stórhýsi setti
mikinn svip á bæinn, og stendur enn.
Það var mikið um dýrðir í Reykjavík
um helgar, þegar vel viðraði á síðasta
áratugi 19. aldar. Árni Thorsteinson
tónskáld segir um tónlistarlífið þar:
Við höfðum Jónas Helgason, er stofn­
aði söngflokkinn Hörpu. En Helgi
bróð ir hans stjórnaði lúðrasveitinni.
Þeir bræður voru helztu sönglistar­
frömuðir bæjarins og sömdu mörg
lög, sem kunnugt er, er náðu miklum
vinsældum meðal almennings. Helgi
stjórnaði lúðrasveitinni oft á Austur­
velli á sunnudögum á sumrin, en
áheyr endur hlustuðu á og gengu
kringum völlinn, eins og tíðkazt hefir
fram á þenna dag.39
Sigurður Magnússon læknir var mikill
söngþröstur. Hann var í söngfélagi
barnaskólans í Reykjavík og síðar í
Hörpu og sat 25 ára afmælisfagnað
þessa elzta og fyrsta söngfélags lands­
ins. Sigurður ritar svo:
Við það tækifæri var haldin át­ og
drykkjuveizla mikil á Hótel Alex­
andra og söngstjóra og kennara, Jón­
asi Helgasyni, færður gullbúinn takt­
stokkur úr fílabeini. Hamingjan má
annars vita, hvílíkan há­tóna­lista­
mann gamla Frón, að eg ekki segi all­
ur heimurinn, hefur misst við þessar
aðgerðir Jónasar.40
Helgi Helgason hætti húsasmíðum
1889 og gerðist kaupmaður í Reykja­
vík, gaf sig og að þilskipaútgerð, þil­
skipasmíði og brúasmíði. Hann sat í
ýmsum nefndum og ráðum í Reykja­
vík og var lengi slökkviliðsstjóri.
Hann fór vestur um haf upp úr alda­
mótum og dvaldist í Kanada á annan
áratug og stofnaði lúðrasveit meðal
Íslendinga vestra. Hann settist aftur
að í Reykjavík og lézt þar 1922.41
Helgi og Guðrún kona hans eignuðust
sjö börn, sem á legg komust. Hér
verður aðeins fjallað um Sigurð Helga­
son söngstjóra og tónskáld, sem í
daglegu tali meðal kunnugra gekk
undir nafninu Sigurður Helgason, en
hann ritaði sig meðal enskumælandi
manna H. S. Helgason.

Helgi Sigurður fæddist í Þingholts­
stræti 11 í Reykjavík 12. febrúar
1872. Kornungur fékk hann orð á sig
fyrir áhuga sinn á tónlist, sérstaklega
söng. Hann stundaði nám í barna­
skólanum í Reykjavík og síðar um
sinn við Lærðaskólann, en hvarf frá
námi, lagði í þess stað alla stund á
sönglist og orgelleik.42
Hljóðfæraslátt og söng nam Sig­
urður hjá Jónasi föðurbróður sínum,
Steingrími Johnsen söngkennara
(1846–1901) og Önnu Sigríði Thorar­
ensen (um 1845–1921), konu Péturs
Péturssonar (um 1842–1909), móður
dr. Helga Pjeturss (1872–1949). Hún
var um árabil aðalpíanókennari bæj­
arins.
Heimild greinir frá því, að Sigurður
hafi verið „um fermingu“, eða „innan
við fermingu“ þegar hann var sendur
til sumardvalar til venzlafólks, sem
búsett var að Ríp í Hegranesi, síra
Árna Þorsteinssonar (1851–1919) og
konu hans, Ingibjargar Valgerðar Sig­
urðardóttur (1848–1925) í Þerney.
Hún var systir Guðrúnar konu Helga
Helgasonar.