Tímarit hjúkrunarfræðinga - 01.10.1998, Side 24
haldið það marga fyrirlestra að ég ákvað að láta á það
reyna hvort ég fengi hæfnisdóm. Það er í mínum huga
mikill heiður að hafa verið metin hæf.“
Ekki stóð á því að Sigríður væri metin að verðleikum en
nýja staðan hefur nokkrar breytingar í för með sér. „Sem
forstöðumaður var starf mitt auglýst á þriggja ára fresti en
nú er ég fastráðin." Ráðning Sigríðar í forstöðumannsstöð-
una var síðast endurnýjuð í fyrra til ársins 2000. Hún ætlar
í framtíðinni að vinna meira að rannsóknum en forstöðu-
mannsstarfið leyfir og það er auðveldara sem prófessor.
„Eitt af því góða við að vera háskólakennari er að geta
fengið rannsóknarleyfi á fimm ára fresti. Við megum ekki
staðna því við erum að gefa af okkur þekkingu og verðum
að endurnýja hana með því að rannsaka, kynnast rann-
sóknum annarra og skiptast á hugmyndum við fræðimenn
annarra þjóða.“
Sigríður mun halda áfram að ferðast um og flytja fyrir-
lestra. „Ég hef verið beðin um að halda fyrirlestur í Cam-
bridge í júní á næsta ári og ég hlakka til. Ég fæ mikið útúr
þessum ráðstefnum. Ég ætla að nota tækifærið í leiðinni
og fara í klaustur og slappa af.“ Hún segist yfirleitt fara í
klaustur eða á kyrrðarsetur til að endurnýja andann þegar
hún er erlendis á ráðstefnum. „Það er alveg stórkostlegt
að vera á þessum stöðum íhugunar. Það kyrrir hugann og
maður sér upp á nýtt. Það er enginn sími eða sjónvarp til
að trufla mann. Svo eru reglulegar bænastundir og góður
matur í boði!“
Henni finnst mikilvægt að fólk sem gefi mikið af sér geti
endurnýjað hugann. „Umhyggjusamar manneskjur geta
verið þreyttar eða illa upplagðar og geta þá brotið niður í
stað þess að byggja upp. Stjórnendur sem ekki endurnýj-
ast í umhyggjunni eru ekki góðir stjórnendur. Það þarf
bara hver og einn að finna hvar hann endurnýjast. Og fýrir
mig er kyrrðarsetur alveg frábær staður til þess.“
Heiðurinn er margra
Frá Sigríði streymir sú umhyggja sem hún talar mikið um
og væntanlega hefur það hjálpað henni í lífi og starfi. „Það
er ekki bara ég sem hef náð langt í mínum rannsóknum
heldur endurspeglar þetta andann hér við Háskólann á
Akureyri. Háskólanefnd fékk á sínum tíma eina prófess-
orsstöðu og nefndin ákvað að það skyldi vera í hjúkrun-
arfræði. Þetta sýnir fyrst og fremst trú á hjúkrunarfræði og
mikla framsýni.“
Hún telur að hún hefði ekki getað stundað þetta doktors-
nám ef bókasafns háskólans hefði ekki notið við. „Há-
skólabókasafnið hér er alveg stórkostlegt. Þar ríkir mikil
fagmennska hér og 80% af greinum erlendis frá koma
innan tveggja vikna. Það er einstakt."
Slík þjónusta kemur sér vel þegar stundaðar eru rann-
sóknir. „Þrófessorsstaða er því aldrei í tómarúmi," segir
Sigríður. „Hún skapast af aðstæðum. Bókasafnið hér er
svo frábært að vinkona mín kom hér um helgi bara til að
216
fletta upp í hjúkrunarleitarkerfinu. Bókasafnið er hjarta hvers
háskóla því öflug bókasafnsþjónusta er lykillinn að rann-
sóknum og fræðimennsku."
Sigríður á þó fleiru að þakka velgengni sína en góðu
bókasafni. „Gunnlaugur og stelpurnar hafa sýnt mér
mikinn stuðning. Margar utanferðir og kvöld- og helgar-
vinna gengur ekki nema að hafa stuðning að heiman. Og
móðir mín hefur oft komið og hjálpað mér þegar mikið
hefur legið við. Það er ég sem fæ heiðurinn, en það eru
margir aðrir sem hafa komið að málinu og eiga heiður
skilinn."
Meistaragráðunám
í hjúkrunarfræði
við Háskólann á Akureyri
A AKUREYRI
Vegna góðrar reynslu af samstarfi við
Manchesterháskóla hefur verið ákveðið að
bjóða aftur fjarnám til meistaragráðu í
hjúkrunarfræði sem samstarfsverkefni milli
Háskólans á Akureyri og Royal College
of Nursing Institute of Higher Education
sem er deild innan Manchesterháskóla.
Fyrstu íslensku hjúkrunarfræðingarnir hófu
slíkt nám til meistaragráðu í janúar 1997. Var
það í fyrsta sinn sem boðið var upp á
meistaragráðunám í hjúkrunarfræði á íslandi.
Mikil ánægja hefur verið með námið meðal
nemenda og íslenskra leiðbeinenda sem allir
eru háskólakennarar með meistara- eða
doktorspróf. Námið tekur tvö ár og felur í sér
sex námskeið, sem kennd eru með
fjarkennslu, en íslenskir leiðbeinendur hitta
nemendur í umræðutíma þrisvar á hverju
námskeiði. Einnig bjóða leiðbeinendur
nemendum persónulegan stuðning, t.d. með
tölvupóstsamskiptum. Á síðara árinu er
jafnframt unnið að rannsókn sem loka-
verkefni. Umsóknarfrestur um námið er til
1. nóvember nk. Umsækjendur fá svör um
skólavist fyrir 20. október og námið hefst
síðan í lok janúar 1999. Upplýsingar um
námið veitir Þóra Ragnheiður Stefánsdóttir,
skrifstofustjóri heilbrigðisdeildar Háskólans á
463-0901, og dr. Sigríður Halldórsdóttir, hs.
462-7676.
HÁSKÓLINN
Tímarit hjúkrunarfræðinga • 4. tbi. 74. árg. 1998