Tímarit hjúkrunarfræðinga - 01.08.2008, Síða 21

SJUKRATILFELLI I TIMARITI HJUKRUNARFRÆÐINGA
Lesendur eru hvattir til þess að senda inn klínískt efni til birtingar íTímariti
hjúkrunarfræðinga. Með klínísku efni er átt við umfjöllun um sjúkdóma,
reynslu sjúklinga, hjúkrunarmeðferð, tækjanotkun og þess háttar. Ein
tegund klínísks efnis er lýsing á og umræða um sjúkratilfelli.
Hægt er að skrifa um sjúkratilfelli á að
minnsta kosti þrennan hátt sem henta
í Tímariti hjúkrunarfræðinga. Þú getur
skrifað stuttan pistil, 500-600 orð, með
fáum eða engum heimildum. Slík grein
er einföld lýsing á sjúkratilfellinu með
umræðum í nokkrum málsgreinum.
Fræðslugrein er lengri grein þar sem
höfundur hefur aflað sérfrekari upplýsinga,
lýsir jafnvel fleiri dæmum fyrir utan
aðalsjúkratilfellið og vitnar í sérfræðinga
hvað varðar hjúkrunarmeðferð. Hér má
gjarnan hafa í brennidepli hagnýt ráð
varðandi meðferð. Fræðslugrein getur
verið alveg upp í 3000 orð en ritstjórnin
leitar að stuttum greinum.
Einnig er hægt að skrifa fræðigrein.
Það er talsvert afrek að skrifa ritrýnda
fræðigrein og sá sem stefnir að slíkum
skrifum leitar gjarnan til hjúkrunarkennara
eða annars fræðimanns áður en byrjað er
að skrifa. Hér myndar fræðileg umfjöllun
aðra þungamiðju í greininni á móti lýsingu
á sjúkratilfellinu. Gangur tilfellis og íhlutun
hjúkrunarfræðings eru grandskoðuð
í Ijósi rannsóknarniðurstaðna og álits
sérfræðinga.
Upphafið að grein um sjúkratilfelli
er oft erindi haldið á deildinni eða á
fagdeildarfundi. Lesendur, sem hafa
haldið slíkt erindi, eru hvattir til að hafa
samband við ritstjóra og ræða möguleika
á að breyta erindinu í grein.
Tímarit hjúkrunarfræðinga - 3. tbl. 84. árg. 2008
19